Tribunál Aplika Medida Koasaun no Multa US$11,000.00 Ba Sidadaun Indonézia Nain-lima

Arguidu sira partisipa iha julgamentu primeira interogatóriu iha TJPID. Imajen/Rafa.tl

DILI, RAFA.tl– Ministériu Públiku (MP) husu ba Tribunál Judisiál Primeira Intánsia Dili (TJPID) aplika medida koasaun no multa osan US$11,000.00 ba  arguidu na’in-lima ho nasionalidade Indonézia.

Notísia Relevante: PNTL Detéin Sidadaun Indonézia Na’in-Lima Lori Osan US$111,000.00 ho Sasán Ilegál Tama Timor-Leste

Liuhosi juglamentu primeiru interógatoriu iha TJPID, Sesta (24/10/2025),  Tribunál  halo identifikasaun ba arguidu na’in-lima tanba iha alegasaun Minitériu Públiku  husu Tribunál atu aplika selu multa US$11,000.00  tanba arguidu sira la deklara osan ne’ebé sira lori tama mai iha Timor ho montante US$111,000.00.

Advogadu privadu, Pedro Camões ba jornalista sira hafoin julgamentu, hateten  Tribunál identifika arguidu sira nia naran no rona mós Ministériu Públiku saida mak iha auto nutísia laran hafoin husu hodi aplika medida kausaun

Durante juglamentu primeiru  interogátoriu  ne’e MP husu salariu báziku motorista sira nian nune’e kada ema  selu US$250.00.

“Arguidu na’in-lima tama ho  karreta mamuk lori  gazoliña  no buat balun, maibé arguidu sira lakohi deklara tanba ne’e  babain ne’e kontra bandu. Entaun  medida todan liu mak  prizaun preventiva la todan  mak kuasaun ka selu multa,” Advogadu Pedro Camões hateten.

Nia haktuir sasan no mina ne’ebé  maka arguidu nain lima lakohi deklara ne’e Ministériu Públiku no tribunál atu fa’an emidiata mina  sira ne’e.

Nia hatutan hakarak  perde afavór bá Estadu ho valór US$250,00   hodi   ense mina karreta  hodi sira fila  no arguidu sira lori osan ho montante US$111,000.00  atu sosa produtu lokál iha Timor hodi lori  sai bá Indonézia.

Argudidu sira lakohi deklara  osan iha Alfándega, tanba ne’e mak Mintériu Públiku  halo promosaun bá   Tribunál atu aplika osan ho montante US$11,000.00.

Nia dehan arguidu na’in lima ne’e mak deklara iha Alfándega karik bele multa de’it osan US$800.00 ka to’o US$1,000.00 (maibé sira lori osan tama  nonook deit entaun valor multa sae to’o US$11,000.00.

Iha Juglamentu Primeiru interogátoriu ne’e prezide husi Juís Estajiariu Lucas de Jesus Costa Perreira  Ministériu Públiku reprezenta hosi Prokuradór  Rafael Gusmão  no arguidu na’in lima hetan asistenta legál husi advogadu privadu Pedro Camões.

Reportajen ekipa Rafa.tl