FIFA Nomeia Prezidente FFTL Nilton Telmo Gusmão dos Santos Ba Komité Permanente Anti-Rasízmu no Deskriminasaun

DILI, RAFA.tl–Federation International Football Association (FIFA) nomeia Prezidente Federasaun Futeból Timor-Leste (FFTL), Nilton Telmo Gusmão dos Santos, ba membru Komité Permanente Anti-Rasízmu no Anti-Diskriminasaun ba períodu 2025-2029.

Notísia Relevante: Governu ho FFTL Asina MoU Ba Transferénsia Uzu Estádiu Munisipál Dili Durante Tinan-25

Sekretáriu-Jerál FIFA, Mattias Grafström, hateten nomeasaun ida-ne’e aprova ona durante reuniaun Konsellu FIFA nian no haruka mensajen direta ba Prezidente FFTL, Nilton Telmo Gusmão dos Santos iha Sesta, 03 fulan-Outubru tinan 2025 hodi informa desizaun reuniaun Konsellu FIFA nian no hato’o parabéns ba Prezidente FFTL, Nilton Telmo Gusmão dos Santos.

“FFTL sente orgullu ho nomeasaun ida-ne’e, no fiar katak ita-boot nia prezensa iha estrutura komité permanente FIFA sei lori inspirasaun no motivasaun foun ba dezenvolvimentu futeból nasionál, no hasa’e imajen Timor-Leste nian iha mundu internasionál liu husi futebol.” Rafa.tl sita komunikadu ofisiál husi FFTL, Kinta (09/10/2025).

Nominasaun ida-ne’e reflete konfiansa FIFA nian ne’ebé depozita ba esforsu FFTL, liu-liu lideransa Prezidente Nilton Telmo Gusmão dos Santos hodi kontinua promove valor respeitu, igualdade no inkluzaun iha futeból, no hatur Timor-Leste hanesan parte ativa iha luta kontra rasizmu no diskriminasaun iha nível nasional no internasionál.

FFTL hato’o parabéns ba Prezidente Nilton Telmo Gusmão dos Santos no hato’o votu di’ak ba susesu iha responsabilidade foun ida-ne’e, ne’ebé sei lori orgullu ba futeból Timor-Leste.

Tuir mai, lista Ofisiál sira ASEAN nian ne’ebé nomeia ba Komité sira FIFA nian (Termu 2025-2029)

Iha pájina ofisiál AFC, relata FIFA anúnsia ona nomeasaun ba líder futeból ASEAN nian oioin ba komisaun xave sira ba mandatu 2025-2029,  ne’ebé reflete papél ne’ebé buras iha Sudeste Aziátiku iha governasaun futeból globál.

Malázia nian na’in -neen (6)

• Hamidin Mohd Amin – Konsellu FIFA & Mídia & Komunikasaun
• Windsor John – Grupu Koordenasaun Konfederasaun FIFA
• Parusuraman Subramanian – Vise-Prezidente, Étika (Kámara Investigasaun)
• Gurcharan Singh – Komité Médiku
• Sivasundaram Sithamparam – Dezenvolvimentu Tékniku & Teknolojia, Inovasaun & Transformasaun Dijitál
• Suraya Yaacob – Kompetisaun Selesaun Nasionál Feto

Vietname  na’in-haat (4)

• Tran Quoc Tuan – Komité Kompetisaun Ekipa Nasionál
• Nguyen Van Phu – Komité Médiku
• Nguyen Thanh Ha – Komité Futeból Feto nian
• Nguyen Thi My Dung – Komité Dixiplinár

Singapura  na’in-haat (4)

• Abdul Salim Ahmed Ibrahim – Komité Dixiplinár
• Desmond Ong – Komité Legál
• Shamsul Maidin – Komisaun Árbitrajen
• Forrest Li – Komité Konsultivu Komersiál no Marketing

Filipina na’in-haat (4)

• Mariano Araneta – Konsellu FIFA & Anti-Rasizmu
• Guillermo Iroy Jr. – Étika (Kámara Investigasaun)
• John Gutierrez – Komité Futsal
• Renee Songalia – Komité Futeból Praia nian

Indonézia na’in-tolu (3)

• Erick Thohir – Prezidente Komité Parte Interesada sira Futeból Mane
• Susie Kurniasih – Komisaun Permanente & Finansas
• Nirmala Dewi – Komité Futeból Olímpiku

Myanmar  na’in-tolu (3)

• Zaw Zaw – Prezidente, Komité Responsabilidade Sosiál Futeból nian
• Htate Kun Naung Myint Wai – Kompetisaun Juventude ba Labarik mane
• Phatkanit Srigatesook – Dezenvolvimentu Futeból Feto nian

Laos na’int-tolu (3)

• Kanya Keomany – Konsellu FIFA & Kompetisaun sira Klube Feto nian
• Viphet Sihachakr – Asesór Komersiál no Marketing
• Bounyou Sisane – Anti-Rasizmu & Anti-Diskriminasaun

Kambodia na’in-rua (2)

• Yin Marady – Komité Kompetisaun Labarik-Feto Foin-sa’e sira nian
• Sameth Khiev – Futuru Komité Futeból nian

Tailándia na’in-rua (2)

• Nualphan Lamsam – Prezidente, Komité Dezenvolvimentu (feto dahuluk iha knaar ida-ne’e)
• Lertsak Pattanachaikul – Membru Asosiadu hosi Komité

Timor-Leste na’in-ida (1) 

• Nilton Telmo Gusmão dos Santos – Komité Anti-Rasismu & Anti-Diskriminasaun

Reportajen ekipa Rafa.tl