play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

2025, Servisu Migrasaun Kontribui Reseita Ba Estadu US$2,480,820.00

todayJanuary 7, 2026 34 9

Background
share close

Diretora Jerál Servisu Migrasaun, Superintendente Asistente Polísia Adelaide da Rosa. Imajen/Rafa.tl

DILI, RAFA.tl– Ministériu Interiór (MI) liu husi Diresaun Jerál Servisu Migrasaun iha períodu tinan 2025, husi fulan-Janeiru to’o fulan-Dezembru, rekolla reseita  ba kofre Estadu hamutuk US$2,480,820.00.

Diretora Jerál Servisu Migrasaun, Superintendente Asistente Polísia Adelaide da Rosa, ba jornalista sira iha knaar fatin, Ministériu Interiór, Vila-verde, Díli, Kuarta (07/01/2026) hatete, atinjimentu servisu ne’ebé sira halo ona iha tinan 2025 mak hanesan, asina memorandum (MoU) ho forsa Austrália kona-bá kontrola servisu fonteira hodi prevene tráfiku umanu, apóiu tékniku ba Timor-Leste hanesan membru plenu ASEAN, partisipa iha enkontru nasaun sira ko’alia lian portugés (CPLP), halo prevensaun ba Timoroan sira ne’ebé maka sai vítima ba tráfiku umanu, no kapasita  pesoál sira ne’ebé servisu iha diresaun Migrasaun nian.

“Reseita ne’ebé Servisu Migrasaun Jerál kolekta iha tinan 2025   ho totál $2,480,820,00 husi vistu hotu-hotu ne’ebé pertense ba Servisu Migrasaun nian,” Superintendente Asistente Polísia Adelaide da Rosa hateten.

Nia esplika reseita estadu ne’ebé Servisu Migrasaun kolekta hahú husi loron 01  fulan-Janeiru to’o loron 31 fulan-Dezembru tinan 2025 liu husi emisaun vistu, estensaun vistu, emisaun no estensaun autorizasaun rezidénsia no aplikasaun koima sira.

Bazeia ba koima ne’ebé mak Servisu Migrasaun rekolla iha tinan 2025 di’ak liu fali kompara ho tinan 2024 ne’ebé mak kolekta de’it koima hamutuk millaun US$2.1.

Superintendente Asistente Polísia Adelaide da Rosa subliña Diresaun Jerál Servisu Migrasaun nian planu ba tinan 2026 mak hadi’a  liután sistema kontrolu koneksaun entre vistu, atendimentu no mós operasaun, kapasitasaun ba pesoál Servisu Migrasaun no hadi’a infrastrutura iha postu fronteira sira hodi bele hasa’e kualidade atendimentu públiku, hadi’a mós bem-estar pesoál Servisu Migrasaun nian hodi motiva di’ak liután funsionáriu Migrasaun sira.

Reportajen ekipa Rafa.tl

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!