Governu Nomeia Regio da Cruz Salu Bá Prezidente Autoridade RAEOA ho Mandatu Fulan-tolu

Eis Prezidente Autoridade RAEOA, Mari Alkatiri (loos), Prezidente Autoridade RAEOA foun, Regio da Cruz Salu (klaran) ho Primeiru-Ministru Kay Rala Xanana Gusmão (karuk). Imajen/Dok.Espesiál

DILI, RAFA.tl- IX Governu Konstitusionál,  liuhosi rezolusaun Governu númeru 37/2025, loron 28 fulan-Agostu, nomeia Regio da Cruz  Salu bá Prezidente Autoridade Rejiaun Administrativa Espesiál Oé-Cusse Ambeno (RAEOA) ho mandatu fulan-tolu.

Notísia Relevante: Konsellu Ministru Disolve Komisaun Ezekutiva no Ezonera Prezidente ho Membru Autoridade RAEOA

Regio da Cruz  Salu  sei servisu hamutuk ho estrutura sira kargu diretór no xefe Rejiaun sira ne’ebé Governu estabelese.

Nomeiasaun Regio da Cruz Salu ne’e bazeia bá qrtigu 17, 17-A, no 19 husi Lei Númeru 3/2014 loron 18 fulan-Juñu, ne’ebé kria Rejiaun Administrativa Espesiál Oé-Cusse Ambeno no estabelese Zona Ekonomia Sosiál Espesiál Merkadu nian ne’ebé altera husi Lei sira Númeru 3/2019, 2020/2020, loron 10 fulan-Fevereiru, no loron 18/2023 loron 30 fulan-Novembru.

Iha rezolusaun Governu ne’e, konsidera katak, hafoin tomada pose bá IX Governu Konstitusionál, importante atu fó impulsu foun no estabelese modelu funsionamentu no autonomia foun bá Rejiaun Administrativa Espesiál Oé-Cusse Ambeno (RAEOA), hanesan prevee ona iha Programa Governu nian, destaka nesesidade bá Autoridade Rejionál, prinsipál no administrasaun, atu tuir akordu ho órgaun administrasaun no administrasaun kumprimentu bá podér fiskalizasaun Governu nian, ne’ebé ezerse husi Primeiru-Ministru.

Konsidera nesesidade atu aumenta transparénsia no kredibilidade administrasaun Rejiaun nian, no responsabilizasaun ba órgaun soberania sira bá aktu administrativu hotu-hotu.

Konsidera katak Artigu 17 no 19 husi lei ne’ebé temi ona ne’e estabelese katak membru Autoridade no ninia Prezidente hetan nomeasaun husi Konsellu Ministru, liuhusi rezolusaun Governu nian, tuir proposta husi Primeiru-Ministru.

Konsidera liután katak Rezolusaun Governu Númeru 21/2025 loron 3 fulan-Abríl nian, kona-bá selesaun bá modelu administrativu foun bá Rejiaun Administrativa Espesiál Oé-Cusse Ambeno nian, inisia faze konsultasaun ida ne’ebé lidera husi Primeiru-Ministru, ho objetivu atu konsulta ho dirijente administrativu sira, autoridade lokál sira, no povu Oé-Cusse nian, no kona-ba selesaun bá sira-ne’ebé husi sira nia leet atu ezerse mandatu administrativu bá rejiaun, Autoridade, no Zona Ekonómika Espesiál.

“Ho ida ne’e,  Primeiru-Ministru propoin nomeasaun Regio da Cruz Salu nu’udar Prezidente Autoridade, ho misaun primária atu tau-matan bá atividade desentralizasaun no eduka ho mobiliza populasaun lokál bá envolvimentu konsiente iha dezenvolvimentu ekonómiku enklave OeéCusse Ambeno nian, no indivídu sira ne’ebé nomeia,” Rafa.tl sita rezolusaun Governu ne’ebé públika ofisiál iha portal Governu JORNAL da REPÚBLICA, edisaun Kinta-feira, 28  fulan-Agostu  2025 .

Kandidatu sira ne’ebé Primeiru-Ministru propoin atu tama iha Autoridade mak sidadaun nasionál sira ho reputasaun rekoñesidu, integridade, no konfiansa públiku nian.

Governu mós nomeia indivíduu sira tuir mai bá kargu diretór no xefe Rejiaun Administrativa Espesiál Oé-Cusse Ambeno nian, hanesan;

• Domingos Punef, nu’udár Diretór-Jerál Rejionál
• José Tanessib Anuno, nu’udár Diretór Rejionál ba Administrasaun
• Augusto de Fátima Efi, nu’udár Diretór Rejionál bá Planeamentu no Kompras
• Amâncio Aguido Punef, nu’udár Diretór Rejionál Finansas
• Merita Marques Caunan Lafo, nu’udár Diretora Rejionál Saúde
• Vicêncio Cono, nu’udár Diretór Rejionál Edukasaun no Solidariedade Sosiál
• José Oki, nu’udár Diretór Rejionál ba Agrikultura
• Orlando Quelo, nu’udár Diretór Rejionál Komérsiu no Indústria
• Remígio Nuno Sila, nu’udár Diretór Rejionál Infraestrutura
• Domingos de Almeida, nu’udár Diretór Rejionál Transporte no Komunikasaun
• Carlos de Fátima de Almeida, nu’udár Diretór Rejionál bá Juventude no Desportu
• Anastasia Eni, nu’udár Diretora Rejionál bá Turizmu, Arte, no Kultura
• José Ase Teno, nu’udár Diretór Rejionál Terras no Bens Imóveis.

Governu nomeia mós Herculano Sousa, bá kargu Koordenadór bá implementasaun Zona Dezenvolvimentu Ekonómiku Espesiál Oé-Cusse Ambeno.

Nomeasaun sira ne’ebé temi iha leten, sei hahú sira nia knaar tuir kargu ne’ebé dezigna ona, hahú iha loron 01 fulan-Setembru tinan 2025, to’o loron 30 fulan-Novembru tinan 2025, ho posibilidade atu halo renovasaun.

Reportajen ekipa Rafa.tl