FFTL Termina Kontratu Treinadór Simon Pablo Eliseche

Diretór Selesaun Nasionál FFTL, Maneco Soares Amaral pronúnsia terminasaun kontratu treinadór, Simon Pablo Eliseche. Imajen/Rafa.tl

DILI, RAFA.tl– Federasaun Futeból Timor-Leste (FFTL) deside hakotu ka termina ona kontratu no servisu hamutuk ho Treinadór, Simon Pablo Eliseche, ne’ebé durante ne’e sai hanesan treinadór prinsipál ba ekipa selesaun nasionál Timor-Leste.

Notísia Relevante: Fevereiru 2026, Kongresu Eletivu Estrutura Foun FFTL

Diretór Selesaun Nasionál, Maneco Soares Amaral, bá jornalista sira iha edifísiu FFTL, Dili, Segunda (25/08/2025) hateten, liuhosi avaliasaun besik tinan ida treinadór Simon Pablo Eliseche presta serbisu iha FFTL to’o ikus ezekutivu hamutuk ho diresaun sira FFTL no terinadór sira deside la estende nia konatratu.

“Kada eventu ne’ebé mak ita bá tuir, ita iha alvu  bá treinadór Simon Pablo Eliseche, maibé nia sentente ida ne’e todan liubá nia, nune’e nia deside dehan nia jornada to’o deit iha ne’e,” João Maneco Soares Amaral hateten.

Razaun prinsipál ba terminasaun kontratu ida ne’e, tan haree bá dezempeñu serbisu no alvu ne’ebé FFTL iha no  treinadór sente todan ba nia, tanba ne’e federasaun deside fali hodi hili treinadór seluk hodi prienxe nia fatin.

“Iha ona kanidatu ba treinadór foun, ne’ebé iha tempu badak sei introdús bá públiku, hodi hatene se mak nia, mai hosi ne’ebé no ninia background oinsa, ne’e ita sei relata iha tempu badak,” ,” João Maneco Soares Amaral tenik.

FFTL  mós hato’o obrigadu barak ba treinadór Simon Pablo Eliseche, bá ninia didikasaun tomak ne’ebé nia fó ona, maske lakonsege tuir alvu ne’ebé mak iha, maibe nia pessoa ida ne’ebé didika aan tomak bá ekipa selesaun ho nia esforsu tomak hodi kria ekipa ida ne’ebé di’ak, nune’e bá FFTL nia nafatin sai hanesan modelu di’ak ida bá FFTL.

Reportajen ekipa Rafa.tl