play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Breaking News: CAC Halo Buska no Apreensaun Ba Jerente Timor GAP, E.P ho Inisiál AC

todayDecember 17, 2025 1920 25 3

Background
share close

Ekipa CAC lori Jerenta Timor GAP, E.P ho inisiál AC ba halo investigasaun iha Edifisiu CAC, Farol, Dili, Kuarta (17/12/2025). Imajen/Rafa.tl

DILI, RAFA.tl- Komisaun Anti-Korrupsaun (CAC, siglá portugés), Kuarta (17/12/2025), hale’u tuku 07:30 Otl, halo buska no apreensaun ba jerente ida husi Timor GAP, Empreza Públika (Timor GAP, E.P)  ho inisiál AC iha nia rezidénsia privadu iha Aldeia 30 de Agostu, Suku  Comoro, Postu Administrativu Dom Aleixo, Munisípiu Dili.

Notísia Relevante: CAC Atualiza Servisu no Fiskalizasaun sira Projetu Estadu Nian Ba PPN

CAC asegura dokumentu sira iha rezidénsia jerenta Timor GAP,.E.P ho inisiál AC bainhira halo buska no apreensaun. Imajen/Rafa.tl

Órgaun Polisiál CAC halo buska no apreensaun ba jerente  Timor GAP, E.P ho inisiál AC ne’e ho baze mandadu husi Ministériu Públiku tanba deskonfia komete krime abuzu  podér no partisipasaun ekonómiku.

Iha buska no apreesaun iha rezidénsia  AC nian ne’ebé lao durante oras rua ne’e, ekipa CAC rekolla evidénsia sira hanesan dokumentu sira no tau iha kaixa rua no asegura ho karreta privadu ida.

Hafoin rekolla evidénsia sira, ekipa CAC transporta kedas jerente inisiál AC ho evidénsia sira ba iha edifísiu CAC iha Farol iha tuku 09:30 Otl hodi halo prosesu identifikasaun no investigasaun.

Bainhira to’o iha edifísiu CAC, ekipa investigadór CAC nian direitamente  lori jerente  Timor GAP, E.P ne’e ba iha sala investigasaun nian hodi halo inkeritu no identifikasaun ba dokumentu no evidénsia sira ne’ebé rekolla iha terrenu.

Reportajen ekipa Rafa.tl

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!