Desporto

Golu Penalidade Salva Bobonaro Husi Derrota Kontra Liquiça

todayNovember 20, 2026 18

Background
share close

Díli, 20 Novembru 2026 (RAFA) –  Jogu entre ekipa husi Munisípiu Bobonaro no  Liquiça remata ho rezultadu  empate 1-1.

Bobonaro bele dehan sai husi derreota hasoru Liquiça liuhusi golu penalidade salva iha jogu modalidade futebol mane grupu D, Festival Nasional Desportu  (FND) 2026.

Jogu ne’ebé hala’o iha Estádiu Munisipál Díli, ekipa husi Liquiça hahú minitu primeiru halo kedas presaun liuhusi sira nia meu kampu hodi halo kontra atake lalais no hetan oportunidade hodi halo ameasa ba guarda rede Bobonaro. Maibe, seidauk bele rezulta golu.

Tama ba minutu 20 liu husi jogador ekipa Liquiça  Anísio Correia konsege loke vantajen dahuluk 1-0.

Ho golu ne’e Bobonaro la lakon espiritu jogu, ekipa kuda ulun ne’e nafatin iha ispiritu luta hodi halo atake ba nia adversariu no konsege hetan oportunidade balu maibe lina defensive Likisa no konsege asegura no salva oportunidade ne’ebe iha.

Ekipa husi Munisípiu rua ne’e kontinua halo kontra-atake ba malu iha minutu ba minuto. Maibé, sorte di’ak iha parte Bobonaro konsege marka golu iha minutu 45+3, hodi halo score 1-1 liuhusi Gabriel Pires nia ezékusaun penalidade, hafoin jogadór Likisá halo falta hasoru jogadór Bobonaro iha grande area.

Iha sigunda parte, ekipa husi Munisípiu rua ne’e halo mudansa ba sira-nia estratéjia, liuhusi substituisaun jogadór ho objetivu atu buka tan golu. Bobonaro no Likisá kontinua mantein sira-nia ritmu jogu hodi aproveita oportunidade sira no halo ameasa ba malu. Maski nune’e, to’o jogu remata la iha tan golu ida mak akontese.

Ho rezultadu ne’e, ekipa Bobonaro no ekipa Liquiça fahe pontu hanesan, ida-ida rekolla pontu ida  husi jogu ida.

Jornalista : Marito da Costa

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!