Ouvir RAFA Ritmo, Voz e Coração de Timor
Díli, 20 Novembru 2026 (RAFA) – Ekipa maskulinu Munisípiu Liquiça susesu halakon sira-nia adversáriu Munisípiu Ainaro ho score 8-3 iha jogu kontinuasaun Festival Nasional Desporto (FND) 2026.
Jogu ne’ebé hala’o iha kampu futsal F-FDTL iha Díli, Kuarta liubá, ekipa rua hala’o jogu ho kuidadu no balansu iha atake no defeza tanba ekipa rua iha ambisaun atu rekolla pontu.
Ekipa husi Munisípiu Liquiça konsege lidera uluk golu rua tutuir ba ekipa Munisípiu Ainaro ho score 2-0 liu husi jogador númeru kamizola 17 iha minutu neen no jogador númeru 25 iha minutu 17 to’o primeira parte termina.
Kontinua ba jogu segunda parte intensidade jogu komesa manas liután ba ekipa rua hodi lansa kontra atake ba malu. Tama ba iha minutu 24, ekipa Liquiça marka tan golu ida ba ekipa Ainaro liu husi jogador númeru kamizola 17 hodi halo score sai ba 3-0.
Score ne’e halo ekipa Munisîpiu Ainaro halo movimentu lalais no konsege responde hikas golu ida ba ekipa Munisípiu Liquiça iha minutu 28 husi jogador númeru kamizola tolu hodi muda score ba 3-1.
Ho movimentu ne’ebe lalais lakleur deit tama ba iha minutu 31 ekipa Munisipiu Liquiça aproveita tempu marka tan golu ida ba ekipa Munisipiu Ainaro liuhusi jogadór numeru kamizola 26 muda score ba 4-1.
Ho rezultadu ne’e lori nafatin ekipa rua fó presaun ba malu. Tama ba iha minutu 32, ekipa Munisípiu Ainaro marka tan golu ida ba ekipa Munisípiu Liquiça husi jogador númeru kamizola rua, muda score 4-2.
Maske nune’e tempu naruk ba ekipa Munisipiu Liquiça hodi produz tan golu ba ekipa Munisipiu Ainaro iha minutu 33 liu-husi jogador numeru kamizola 26 halo score sai ba 5-2.
Score refere intensidade jogu komesa sai manas liu tan ba ekipa rua hodi lansa presaun ba malu adversariu Munisípiu Ainaro konsege produs golu ida ba ekipa Munisipiu Liquiça liu-husi jogador numeru kamizola rua iha minutu 33, hodi muda score ba 5-3.
Vantajen ne’e lais liubá ekipa Mnisípiu Liquiça aumenta tan golu tolu tuituir malu ba ekipa Munisipiu Ainaro liu husi jogador numeru kamizola walu iha minutu 38, jogador numeru kamizola 26 minutu 38 no jogador numeru kamizola walu aumenta tan golu iha minutu 39 to’o termina jogu segunda parte remata.
Jornalista: David Gonçalves
Written by: RafaFM
Ekipa Munisípiu Liquiça Susesu Halokon Ainaro 8-3 FND 2026
todayNovember 20, 2026 6 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt