Desporto

La Fó Oportunidade Ba Ermera, Covalima Domina Jogu Ho Rezultadu 3-0

todayNovember 18, 2026 8

Background
share close

Díli, 18 Novembru 2026 (RAFA) – Ekipa voleibol feto Munisípiu Covalima hatudu dominasaun iha kampu no la fó oportunidade ba Ermera. Nune’e, manán ho Ermera rezultadu klaru 3-0 iha jogu kontinuasaun Festival Nasionál Desportu (FND) no festival Desportu Paralimpiku (FDP) 2026.

Jogu ne’ebé hala’o iha Jináziu Desportu Díli (GDD), Kuart-ne’e Covalima hatudu desempeñu ne’ebé konsistente no domina kompetisaun hosi set dahuluk to’o set ikus.

Iha set dahuluk, Covalima hahú ho intensaun maka’as no konsege manán ho pontu 25-17.

Domíniu ne’e kontinua iha set daruak, ne’ebé Covalima nafatin hatudu superioridade manán ho pontu 25-16.

Enkuantu iha set datoluk, ekipa Covalima aumenta tan presaun no la fó oportunidade ba Ermera atu dezenvolve nia jogu.

Rezultadu ne’e hatudu diferensa boot ho pontu 25-6, ne’ebé konfirma vitória Covalima ho rezultadu 3-0.

Ho vitória ne’e, Covalima konsege asegura pontu importante iha faze grupu no kontinua luta atu hetan vaga ba faze eliminasaun FND 2026 nu’udar kampeaun grupu (D) ho pontu neen husi jogu rua ne’ebé rekolla vitória hotu.

Huis grupu (D) kompostu hui iekipa tolu mak hanesan Covalima, Ermera no Manufahi.

Jornalista: Davilio Valdamir

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!