Desporto

Baucau Avansa Ba Faze Eliminasaun Hafoin Manán Liquiça 3-0

todayNovember 18, 2026 8

Background
share close

Díli, 18 Novembru 2026 (RAFA) – Ekipa voleibol feto husi Munisípiu Baucau asegura fatin ida iha faze eliminasaun iha Festival Nasionál Desportu (FND) no Festival Desportu Paralímpiku (FDP) 2026 hafoin manán Liquiça ho rezultadu 3-0, iha jogu fase grupu B.

Duelo entre ekipa rua ne’ebé hala’o iha Jináziu Desportu Díli (GDD), Kuarta-ne’e,  ekipa Kuluguisa hatudu dominasaun durante set tolu no la fó oportunidade ba ekipa Liquiça atu rekupera.

Iha set dahuluk, Baucau hahú ho forsa no konsege manán ho diferensa pontu ne’ebé boot 25-8.

Dominasaun ne’e kontinua iha set daruak, bainhira Baucau nafatin kontrola ritmu jogu no manán tan ho rezultadu hanesan 25-8.

Iha set datoluk, Liquiça koko atu hasa’e nia rezisténsia, maibé Baucau kontinua hatudu konsisténsia iha atake no defeza, to’o ikus manan ho rezultadu 25-13, no taka jogu ho vitória 3-0.

Rezultadu ne’e konfirma Baucau nu’udar kampiaun grupu B, hafoin iha jogu rua ne’ebé disputa. Ekipa ne’e konsege rejista vitória iha jogu hotu no garante pozisaun ba faze eliminasaun.

Grupu B rasik kompostu husi ekipa tolu mak hanesan Baucau, Liquiça no Aileu.

Jornalista: Davilio Valdamir

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!