Ouvir RAFA Ritmo, Voz e Coração de Timor
Díli, 18 Novembru 2026 (RAFA) –Ekipa femenina Munisípiu Manufahi lakon ho femenina husi Baucau ho Score 0-3.
Iha jogu kontinuasaun futsal Festival Nasional Desportu – Festival Nasional Desportu Paralimpiku 2026 ne´ebé hala’o iha Kampu Futsal F-FDTL iha Díli, Tersa-ne’e, ekipa rua tun hahú kedas fó presaun no lansa kontra atake ba malu hodi buka oportunidade atu lidera golu.
Maibé, ho presaun hirak ne’e tama ba iha minutu ualu, jogadora husi ekipa Munisípiu Baucau hetan uluk oportunidade marka kedas golu ida ba ekipa femenina Manufahi liu-husi jogadora numeru kamizola ualu hodi halo score sai ba 1-0.
Score ne’e lori ekipa rua koko muda ritmu jogu hodi fó ameasa ba malu, maibé ekipa Manufahi aproveita tempu tenta atu lidera golu, mais defeza husi parte adversária la fó fatin to’o remata jogu primeira parte.
Kontinua ba segunda parte, ekipa Manufahi ne’ebé mai ho ambisaun boot koko halo esforsu halo atake no tenta atu produs golu, maibé la akontese golu tanba defeza husi ekipa femenina Baucau nian solidu tebes hodi salva bola.
Jogu kontinua la’o ho tensi ne’ebé aas liután ekipa femenina Munisípiu Baucau ne’ebé hala’o jogu ho kuidadu tebes, hodi domina liu kampu, konsege produs tan golu rua tuituir malu ba adversária Munisípiu Manufahi liu-husi jogadora númeru kamizola numeru rua iha minutu 21 no jogadora numeru kamizola neen iha minutu 23, hodi muda score sai ba 0-3.
Ho rezultadu ne’e, lori ekipa femenina Munisípiu Baucau halakon adversaria Munisipiu Manufahi.
Enkuantu iha jogu femenina ekipa Munisípiu Covalima manan W.O ho ekipa femenina Munisípiu Aileu.
Jornalista: David Gonçalves
Written by: RafaFM
Ekipa Femenina Manufahi Lakon ho Baucau 0-3 Falla Domina Kampu
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt