Desporto

Ermera Domina Liquiça ho Rezultadu 3-0 iha Jogu Voleibol Mane FND 2026

todayNovember 18, 2026 9 2

Background
share close

Díli, 17 Novembru 2026 (RAFA) – Ekipa voleibol mane husi Munisípiu Ermera hatudu dominasaun forte hasoru Liquiça iha kompetisaun Festival Nasionál Desportu (FND) 2026, hafoin konsege manán ho rezultadu klaru 3-0.

Jogu ne’ebé tama iha kontinuidade kompetisaun Festival Nasionál Desportu (FND) 2026, fase apuramentu grupu E, entre Ermera no Likisa ne’e hala’o iha Jináziu Desportu Díli, Tersa-ne’e

Iha set dahuluk, Ermera hatudu nia forsa liuhusi atake no defende ne’ebé efetivu, hodi manán ho rezultadu 25-11.

Kontinua ba set daruak, ekipa Ermera nafatin domina ritmu jogu no la fó oportunidade ba Likisa atu dezenvolve nia jogu, hodi taka set ho rezultadu 25-13.

Enkuantu iha set datoluk, Ermera kontinua hatudu konsisténsia iha kampu, hodi manán tan ho rezultadu 25-12 no taka jogu ho vitória 3-0.

Ho rezultadu vitória ne’e, ekipa Ermera konsege asegura pontu tolu iha nia jogu dahuluk no okupa pozisaun lideransa iha klasifikasaun grupu E, faze apuramentu grupu kompetisaun Festival Nasionál Desportu (FND) 2026.

Ekipa Liquiça iha pozisaun ikus liu ho pontu zero (0).

Grupu (E) rasik kompostu husi ekipa haat mak hanesan Lautem, Liquiça, Manatuto no Ermera.

Jornalista: Davilio Valdamir/ Nelson Dias

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!