Desporto

Abertura FND, Covalima Fahe Pontu ho Ataúro 3-3

todayNovember 17, 2026 43

Background
share close

Díli, 17 Novembru 2026 (RAFA) – Munisípiu Covalima no Ataúro obrigadu fahe pontu hanesan ho rezultadu empate 3-3, iha jogu abertura Festival Nasionál Desportu (FND)  ne’ebé hala’o iha Estadiu Munisipál Díli, Tersa-ne’e.

Iha parte dahuluk, ekipa husi munisípiu rua ne’e hatudu forsa no ritmu jogu ne’ebé hanesan, ho troka atake  ba malu. Maibé, Ataúro konsege loke uluk rezultadu 1-0, liuhusi Francisco Sarmento nia golu iha minutu 25.

Maski sofre golu ida, Covalima la lakon motivasaun no kontinua buka oportunidade hodi halo kontra-atake.

Esforsu ne’e fó rezultadu bainhira tama ba minutu ikus parte dahuluk,  Covalima konsege marka golu rua iha minutu 45+2, liuhusi Abelino de Araújo no Zeferino do Carmo, hodi muda rezultadu sai 2-1 to’o remata jogu parte dahuluk nian.

Kontinua ba segunda parte, Covalima no Ataúro nafatin iha ambisaun ba golu, nune’e tama ba minutu 63 jogador Yohanes Paulo lori Covalima lidera hikas score sai 3-1, hafoin Munisípiu Ataúro hamihis fali score sai 3-2 liuhusi jogador Francisco Sarmento iha minutu 67.

Falta minutu hat jogu atu ramata, ekipa husi Munisípiu Atauro esforsu aan hodi halo kontra take maka’ás ba liña defensivu adversáriu no konsege hetan prezente penalidade hafoin halo falta kontra jogador Ataúro iha grade área.

Pascoal Alves ne’ebé sai ezekutor penalidade susesu halo nia servisu hodi halo impate ho score sai 3-3.

Ho rezultadu ne’e lori ekipa husi munisípiu rua ne’e fahe pontu hanesan ho pontu ida iha Festival Nasionál Desportu (FND).

Jornalista: Marito da Costa

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!