Ouvir RAFA Ritmo, Voz e Coração de Timor
Jogador sira ekipa Caesar Dante F.C selebra golu iha kontinuasaun jogu Liga Futsal hasoru B’tal F.C, Segunda 16 Novembru 2026. Imajen/LFTL
Díli, 17 Novembru 2026 (RAFA) – Ekipa Leão Caesar Dante hatudu dominasaun ne’ebé impresivu hafoin susesu halakon B’tal F.C ho score fantastiku 4-0 iha jogu kontinuasaun Liga Futsal Timor-Leste primeira divizaun temporada ne’e.
Duelo entre ekipa rua ne’e hala’o iha Kampu Futsal F-FDTL iha Díli, Segunda-ne’e, Leão Caesar Dante hahú kedas hatudu dominasaun no agresividade husi inísiu jogu, ho intensaun atu buka golu sedu.
Rezultadu hahú muda iha minutu neen, bainhira jogadór Julivio Soares konsege fura rede B’tal FC, hodi lori Caesar Dante ba oin ho vantajen 1-0.
La kleur, iha minutu 10, Jacinto Oliveira aumenta tan vantajen ba ekipa ne’e, depois nia remata ho susesu hodi muda rezultadu ba 2-0.
Caesar Dante kontinua domina to’o besik remata primeira parte. Iha minutu 19, Aldi Ramadhan aumenta tan golu ida, hodi taka primeira parte ho rezultadu 3-0.
Kontinua ba jogu segunda parte Caesar Dante la muda ritmu jogu no kontinua ho agresivu no tama ba iha minutu 22 Caesar Dante haboot liu tan score sai 4-0.
Iha parte ikus jogu, B’tal F.C esforsu atu mantein ekilíbriu entre atake no defeza, hodi evita atu simu golu tan. Estratéjia ne’e konsege hamenus oportunidade Caesar Dante nian, to’o remata jogu ho vitória ba Caesar Dante ho rezultadu 4-0.
Vitória ne’e hatuur provizoriu ekipa Caesar Dante iha pozisaun da-haat ho pontu 19 husi jogu sia ne’ebé halao ona rekolla vitória neen, empate ida no derrota rua.
Ekipa B’tal F.C mantein iha pozisaun 10 ho pontus hitu husi jogu sia manán rua, empate ida no derrota neen
Jornalista: Davilio Valdamir
Written by: RafaFM
Caesar Dante Manán B’Tal ho Score 4-0 Liga Futsal Primeira Divizaun
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt