Desporto

Úniku Golu Husi Ruben Faria Lori AD Estrela Baguia Halakon Mushila F.C 1-0

todayNovember 17, 2026 20

Background
share close

Díli, 17 Novembru 2026 (RAFA) – Ekipa promovidu AD Estrela Baguia susesu halo supreza boot hafoin halakon ekipa kampeaun kopa AFTL 2026 Mushila F.C ho score mihis 1-0.

Vitória ne’ebé AD Estrela Baguia konkista liu husi ùniku golu ne’ebé kontribui husi Ruben Faria hodi determina.

Duelo manas entre ekipa rua ne’ebé  hala’o iha kampu futsal F-FDTL iha Díli, Segunda-ne’e, ekipa rua ne’e hala’o kedas jogu ne’ebé kompetivu desde inisiu jogu hodi animu tebes adeptu sira ne’ebé asiste direta jogu refere. Maibé to’o termina jogu primeira parte score 0-0 mantein la muda.

Kontinua ba segunda parte, ekipa rua kontinua hasa’e intensidade jogu ho kontra atake no presaun maka’as ba malu. Maibé, defeza metin husi ekipa rua halo oportunidade sira ne’ebé kria seidauk konsege transforma ba golu.

Vitória Estrela Baguia foin determina iha minutu 39, bainhira Ruben Faria, ne’ebé sai hanesan makina golu ekipa ne’e, konsege aproveita pasé husi Bendito Ramos atu hakle’an bola ba rede Mushila F.C no muda rezultadu ba 1-0.

Mushila F.C tenta aumenta presaun liuhusi sistema power play atu buka golu empate. Maibé, Estrela Baguia konsege mantein organizasaun defensiva ne’ebé metin to’o apitu ikus, hodi asegura vitória importante ho rezultadu 1-0.

Jornalista: Davilio Valdamir

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!