Ouvir RAFA Ritmo, Voz e Coração de Timor
Díli, 16 Novembru 2026 (RAFA) – Kuda Ulun F.C hatudu mentalidade kompetetivu hafoin lakon uluk 0-2, no konsege halo remontada husi ekipa Crazy Horse ho rezultadu ikus 4-2, iha Liga Futsal Primeira Divizaun, jornada da-sia ne’ebé hala’o iha kampu Futsal F-FDTL iha Díli, Domingu-ne’e.
Iha primeira parte, Crazy Horse F.C konsege loke uluk rezultadu liuhusi jogador Adi Tiran iha minutu 19, hodi lori nia ekipa lidera 1-0.
Rezultadu ne’e kontinua mantein to’o primeira partetermina, molok Crazy Horse F.C aumenta tan vantajen liuhusi Domingos Alvernas iha segundu parte, iha minutu 32, hodi muda rezultadu sai 2-0.
Kuda Ulun F.C la rende. Iha minutu hanesan 32, Petrus Nahak konsege koleta golu primeiru ba Kuda Ulun F.C, hodi hamenus diferensa rezultadu sai 2-1, antes Petrus Triyulio lori Kuda Ulun halo hanesan rezultadu sai 2-2 iha minutu 33.
Kuda Ulun F.C kontinua aumenta presaun no konsege transforma oportunidade sira sai golu, iha minutu 36. Jogador Septiadi Latuna konsege marka nia golu, hodi lori Kuda Ulun F.C lidera fali score sai 3-2.
Iha minutu 39, Jefanio Sarmento kompleta kuda Ulun nia remontada hodi lori ekipa manan ho rezultadu ikus 4-2
Ho rezultadu ne’e, Kuda Ulun F.C rekolla Pontu 23 enkuantu Crazy Horse mantein iha zona degradasaun ho pontu lima.
Jornaista : Marito da Costa
Written by: RafaFM
Kuda Ulun F.C Halo Remontada Manan Crazy Horse F.C 4-2
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt