Desporto

Coelho F.C Susesu Halakon BAS ho Score 4-3

todayNovember 15, 2026 18

Background
share close

Díli, 15 Novemberu 2026 (RAFA)- Coelho F.C susesu halakon nia ekipa adversáriu Asosiasaun Desportiva Baucau All Star (AD BAS) ho score mihis 4-3 iha jogu jornada da-sia Liga Futsal Timor-Leste primeira divizaun époka 2026.

Jogu ne’ebé hala’o iha kampu futsal F-FDTL iha Díli, Sábadu-ne’e, ekipa rua halao ho kuidadu hodi halo balansu iha atake no defeza tanba ekipa rua hotu hotu iha ambisaun atu rekolla pontu másimu hodi hakat ba iha final four.

Ekipa AD BAS konsge lidera uluk ho score 1-0 liu husi jogador Servandio Barbosa iha minutu sia.  Maibé score refere la dura to’o tempu naruk tanba liu deit minutu ida iha minitu 10, kapitaun ekipa Coelho F.C Rivaldo Perreira Marka kedas golu hodi halo balansu ba score sai 1-1 no score refere dura to’o primeira parte termina.

Kontinua ba jogu segunda parte intensidade jogu komesa manas liután ba ekipa rua ne’e hodi lansa kontra atake ba malu.

Tama ba iha minutu 27, Coelho F.C lidera hikas ho score 2-1 liu husi jogador Adytiya.

La hein tempu naruk ba ekipa AD BAS hodi responde kedas hodi halo balansu ba score sai 2-2 liu husi jogador Putra iha minutu 29.

Ho score refere intensidade jogu komesa sai manás liután ba ekipa rua hodi lansa presaun ba malu. Coelho F.C konsege produs golu rua tuituir malu liu husi jogador Aristides Pires iha minutu 31 no Rivaldo Perreira iha minutu 32 hodi hatuur score sai 4-2.

BAS foin hamihis score ba 4-3 iha minutu 36 liu husi jogador Nivaldo Mesquita no score refere mós mantein to’o termina jogu segunda parte  ho vitória ba AD BAS.

Jornalista: Davilio Valdamir/Nelson Dias

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!