Desporto

Mauputar F.C Kontinua Ukun Tabela Klasifikasaun Hafoin Manan AS Jerman 10-1

todayNovember 15, 2026 15

Background
share close

Díli, 15 Novemberu 2026 (RAFA)- Mauputar F.C kontinua hatudu superioridade iha jornda da-sia Liga Futsal Timor-Leste primeira divizaun hafoin halakon As Jerman ho score fantástiku 10-1.

Vitoria ne’e lori ekipa identiku ho kinor-metan ne’e kontinua hametin pozisaun iha lideransa tabela klasifikasaun provizoriu ho total pontu 23.

Jogu ne’ebé hala’o iha kampu Futsal F-FDTL iha Díli, Sábadu-ne’e, iha inísiu jogu, Mauputar F C hatudu kontrolu di’ak ba bola no domina movimentu jogu, ho presaun maka’as ne’ebé obriga AS Jerman difikulta atu dezenvolve nia atake.

Dominasaun ne’e lori Mauputar F.C konsege marka golu haat iha primeira parte.

Golu dahuluk mai husi Ortega Patola iha minutu haat, no nia aumenta tan vantajen iha minutu sia.

Enkuantu golu rua seluk marka husi makina golu Mauputar F.C, Joy Lionokas, iha minutu 13 no 19, hodi taka primeira parte ho rezultadu 4-0.

Kontinua ba segunda parte, Mauputar F.C la hamenus nia intensidade, maibé kontinua aplika presaun maka’as ba ekipa adversáriu.

Joy Lionokas kontinua sai figura importante hafoin kompleta hat-trick iha minutu 23, hodi aumenta diferensa golu sai 5-0.

Maski nune’e, AS Jerman konsege fó resposta liuhusi Yohanes Adriano, ne’ebé marka golu ida ba ekipa, hodi muda rezultadu sai 5-1, Maibé, golu ne’e la konsege muda dominasaun Mauputar F.C.

Ekipa ne’e kontinua ataka no aumenta tan golu lima liuhusi Joaquim Amaral iha minutu 24 no 27, Fernando Fernandes iha minutu 29, Ortega Patola kompleta nia hat-trick  iha minutu 31, no Deston Betty iha minutu 32.

Ho rezultadu ikus 10-1, Mauputar FC kontinua hametin pozisaun iha tabela klasifikasaun Liga Futsal Timor-Leste Primeira Divizaun Époka 2026.

Jornalista: Davilio Valdamir/ Nelson Dias

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!