Desporto

Viqueque Kampeaun Kopa Juvenil U-17 Hafoin Halakon Díli Oeste 4-2

todayNovember 13, 2026 31 1

Background
share close

Díli, 13 Novembru 2026 (RAFA)– Asosiasaun Futebol Munisípiu Viqueque susesu sai kampeaun ba Kopa Juvenil U-17 époka 2026 kategoria mane hafoin halakon nia adversáriu asosiasaun Díli Oeste iha final ho score 4-2.

Jogu final ne’ebé hala’o iha kampu Futebol FFTL, Díli, Kinta-ne’e, dezde inisiu jogu ekipa rua tun kedas ho ambisaun boot hodi lansa kontra atake ba malu atu hadau titulu kampeaun.

Díli Leste susesu loke score dahuluk liu husi Gilson iha minutu 25 hodi muda score sai 1-0. Maibé, score refere la dura to’o tempu naruk tanba tama ba iha minutu 34 Viqueque konsege responde golu ida hodi halo balansu ba tabela score 1-1

La para ho ida-ne’e, ekipa juvenil Viqueque marka tan golu ida liu husi Zenito Rangel iha minutu 45 hodi lori nia ekipa lidera hikas ho score 2-1 to’o termina jogu primeira parte.

Kontinua ba jogu segunda parte, tensi jogu komesa manas liután ba ekipa rua  hodi troka oportundade lansa kontra atake.

Jogu foin halao minutu rua, ekipa juvenil U-17 Viqueque konsege haboot tan score sai 3-1 liu husi jogador Zenito Rangel.

Tama ba iha minutu 61 ekipa Díli Oeste konsege responde golu ida hodi hamihis rezuladu 3-2 liu husi  Waldir Perreira.

Jogador Viqueque nian, Ozil Guterres susesu fura hikas rede Dili Oeste hodi aumenta score sai 4-2 to’o termina jogu segunda parte nian.

Ho vitória ne’e,  ekipa U-17 asosiasaun Munisípiu Viqueque iha direitu ba  títulu kampeaun no hetan premiu US$2,000.00, inklui tasa ho medalla.

Ekipa Díli Oeste ne´ebé mak hetan segundu lugar hetan premiu osan ho montante  US$1,500.00.

Jornalista: Davilio Valdemir

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!