Desporto

AFTL Halibur Reseita US$9,800-resin Husi Fa’an Billete Ba Adeptu Sira

todayNovember 13, 2026 38

Background
share close

Díli, 13 Novembru 2026 (RAFA) – Asosiasaun Futsal Timor-Leste (AFTL) halibur reseita hamutuk US$9,800-resin husi fa’an billete ba adeptu sira durante realizasaun kompetisaun Liga Futsal Timor-Leste Primeira Divizaun no Segunda Divizaun époka 2026.

Sekretáriu-Jerál  Asosiasaun Futsál Timor-Leste (AFTL), Mário Guterres,  ba RAFA, Kinta-ne’e, informa, reseita ne’e mai husi kontribuisaun entrada espetadór sira ne’ebé asiste jogu prezidensiál.

Durante ne’e LFTL fa’an billete ho presu US$1.00 ba entrada laran no US$0.5 ba espetadór sira ne’ebé asiste jogu husi parte li’ur iha kampu futsal F-FDTL iha Díli.

Liga Futsal Timor Leste primeira divizaun époka 2026 tama ona ba jornada da-ualu no hahú husi jornada dahuluk to’o iha jornada da ualu ne’e tuir estimativa kada loron organizadór bele rekolla entre US$200.00 to’o US$300.00 husi espetadór sira ne’ebé asiste kompetisaun liga.

Iha Segunda Divizaun, Tuir dadus ne’ebé mak aprezenta halibur reseita US$800.00 tanba adeptu segunda divizaun prefere mai hamrik liur fali enves tama para kontribui hodi  ajuda klubu sira ho asosiasaun.

Nia sublina, Orsamntu sira ne’e sei aprezenta ba klubu sira tanba klubu sira tenke hatene dadus sira.

Liga Futsal Timor-Leste segunda divizaun rasik termina ona no ekipa Kablaki BS  sai kampeaun hafoin manán  nia adversáriu Loriku ho score 5-3 iha finál.

 Jornalista: Davilio Valdamir/ Marito da Costa

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!