Desporto

Mauputar F.C Sei Kontrata Jogadór Lokál Na’in-Rua

todayNovember 5, 2026 248

Background
share close

Díli, 05 Novembru 2026 (RAFA) – Bazeia ba kalendáriu ne’ebé anunsia husi Asosiasaun Futsál Timor-Leste (AFTL) iha loron 23 fulan-Outubru liubá, Klubu Mauputar F.C iha esperansa sei kontrata  jogadór lokál na’in-rua.

Manajer klubu Mauputar F.C, Juvito Pires hatete bazeia ba koutasaun klubu nian sei halo kontrata jogadór lokál na’in -rua, hodi reforsa atividade jogu kompetisaun liga futsál primeira divisaun tinan ne’e.

“Ami fó obrigadu ba AFTL ne’ebé mak loke ona janela transferensia ne’e hodi ami buka fali jogadór atu reforsa ba ami nia klubu,” Juvito Pires informa ba jornalista sira, iha Díli, Kuarta-ne’e.

Nia hatutan iha Mauputar F.C nia koutasaun jogadór seidauk seidauk to’o, tanba ne’e sira presiza kontrata tan jogadór timor oan nain rua ne’e sei koloka ba jogu iha parte ain loos  no ain karuk to’o eventu liga ne’e remata.

Kalendáriu janela transferensia Liga Futsal 2026 ne’ebé  anunsia husi AFTL ba klubu sira halo transferénsia ba  jogadór sira hahú husi loron 23 fulan-Outubru no remata iha loron 7 fulan-Novembru ne’e.

Dadaun ne’e iha klubu balu halo ona kontratu ho jogadór sira  no klubu balu seidauk halo kontrata tanba sei iha hela prosesu diskusaun.

Jornalista: David Gonçalves

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!