Desporto

F.C Coelho Rekruta Jogador Estranjeiru Na´in-Lima

todayNovember 5, 2026 67 1

Background
share close

Díli, 05 Novemberu 2026 (RAFA)- Treinadór klubu F.C Coelho, Franzenio da Cruz Martins,  hatete F.C Coleho rekruta ona jogador estranjeiru na´in-lima durante janela tranferénsia Liga Futsal Timor-Leste hodi reforsa ekipa iha jogu kontinuasaun Liga Futsal ba époka ne´e.

Franzenio da Cruz hateten durante janela tranferénsia, F.C Coelho lakon ona jogador lokal na’in-rua, inklui  jogador estranjeiru na’in-haat. Maski nune’e, klubu ne’e la lakon esperansa, tanba agora dadaun prepara ona atu lori jogador estranjeiru foun na’in-lima hodi reforsa ekipa ba kompetisaun tuirmai.

Jogador estranjeiru na´in-lima ne’e mai hotu husi Indonézia, ho kompozisaun na’in-rua husi Jakarta no na’in-tolu husi Nusa Tenggara Timur (NTT). Enkuantu, jogador ida sei iha prosesu negosiasaun iha Jakarta.

“Agora dadaun F.C Coelho perpara fila-fali ona jogador estranjeiru na’in-lima husi Indonézia hodi mai haforsa fila-fali ami nia ekipa ne’e hodi kompete iha liga.  Jogador na’in-lima ne’e; na’in-rua husi Jakarta na’in-tolu husi NTT,” Franzenio da Cruz  informa Martins ba jornalista sira iha iha Díli, Kuarta-ne´e.

Treinador ne’e mós reafirma katak objetivu F.C Coelho desde inísiu kompetisaun mak atu luta ba títulu kampiaun, no objetivu ne’e sei la muda maski hasoru mudansa iha plantel.

Franzenio hateten katak jogador lokal no estranjeiru hamutuk ho manajementu klubu iha kompromisu forte atu atinji objetivu ne’ebé determina ona, inklui asegura vaga ba Final Four no luta fali ba títulu kampiaun iha fase final.

“Ami nia alvu klaru, hakarak sai kampiaun. Agora ami iha pozisaun daruak, ho diferensa pontu tolu husi Mauputar. Ami prontu nafatin, tanba jogador lokal, estranjeiru no manajementu hotu iha kompromisu atu luta ba títulu. Ami hakarak tama Final Four no sai kampiaun iha final,” nia afirma.

Atualmente F.C Coelho iha pozisaun daruak Liga Futsal Timor-Leste ho pontu 16 husi jogu hitu ne’ebé halao ona; manan lima, empata ida no derrota ida.

Liga futsal Timor-Leste rasik partisipa husi klubu 14 mak hanesan Mauputar F.C, F.C Coelho, Kuda Ulun F.C, Caesar Dante F.C, Maudoko F.C, AD Estrela Baguia, Sao Francisco Xavier, AD BAS, B’tal F.C, Mushila F.C, Crazy Horse, AS Jerman, Ramelau F.C No Saralima F.C.

 Jornalista: Davilio Valdamir/ Marito da Costa

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!