Desporto

Liga Voleibol Mane 2026, Abdul Haji no Jihandris Lori Bandido Qualidade Manán Choque 3–0

todayOctober 28, 2026 20

Background
share close

Díli, 28 Outubru 2026 (RAFA)- Jogadór estranjeiru na’in-rua, Abdul Haji Rumpdar no Jihandris Juka Nduka, lori ekipa Bandido Qualidade manán Choque ho rezultadu set 3–0, iha jogu kontinuaun Liga Voleibol Timor-Leste Primeira Divizaun, Époka 2026.

Jogu ne´ebé hala’o iha Jinaziu Desportu Díli (GDD), Tersa-ne´e, inisiu  set Bandido Qualidade hatudu prestasaun konsistente durante jogu ho vitória iha set tolu, hotu-hotu ho rezultadu 25–21, 25–21 no 25–21.

Iha jogu ne’e, prezensa jogadór estranjeiru na’in rua-ne’e hametin sistema jogu Bandido Qualidade, liuliu iha bloku no atake hodi fó presaun ba adversáriu.

Abdul Haji Rumpdar no Jihandris Juka Nduka presta kontribuisaun ba ekipa atu mantein presaun hasoru Choque.

Ho apoiu husi jogadór rua ne’e, Bandido Qualidade konsege kontinua kontrola disputa pontu sira iha kada set to’o hetan vitória finál ho rezultadu 3–0.

Maski Choque buka atu halo rezisténsia, Bandido Qualidade kontinua hatudu konsisténsia iha set tolu. Rezultadu hanesan 25–21 iha kada set hatudu katak disputa la fasil, maibé Bandido Qualidade konsege mantein nia vantajen to’o remata jogu.

Observasaun RAFA nian nota katak ekipa rua ne´e hatudu jogu ida furak no atrativu hodi anima mos adeptus sira ne´ebé ba asiste direita jogu ne´e. Jogadór sira husi ekipa rua hatudu mos kualidade iha teknika no oinsa halo disputa ida di´ak atu bele rekolla vitória.

Jornalista: Davilio Valdamir/Mario Fili

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!