Desporto

Liga Voleibol Primeira Divizaun 2026, Assalam Halakon Fitun Lorosa’e 3–2

todayOctober 28, 2026 20

Background
share close

Díli, 28 Outubru 2026 (RAFA)- Ekipa voleibol feto Assalam halakon Fitun Lorosa´e ho rezultadu 3–2 iha jogu kontinuasaun Liga Voleibol Timor-Leste Primeira Divizaun, Époka 2026, ne´ebé hala´o iha Jinaziu Desportu Díli (GDD), Tersa-ne´e.

Iha jogu ne’e, Assalam aliña jogadora estranjeira na’in-rua, Sinta Adila no Rina Putry, enkuantu Fitun Lorosa´e mós iha jogadora estranjeira na’in-rua, Dinda Putry no Wulan Noor Prasetyo.

Prezensa jogadora estranjeira sira ne’e aumenta kompetisaun no intensidade iha jogu  ne’ebé ekipa rua troka vantajen durante set lima.

Iha jogu set dahuluk, Assalam no Fitun Lorosae hotu-hotu hatudu kompetitividade aas.

Iha set dahuluk, ekipa rua disputa pontu sira ho diferensa ki’ik, maibé Assalam konsege hetan vantajen pontu rua hodi taka set dahuluk ho pontu 26-24.

Fitun Lorosae ne’ebé derota iha set dahuluk konsege rekupera iha set daruak hodi manán ho diferensa pontu sia. Rezultadu 25–16 hodi hatudu dominasaun iha pontu set ida-ne’e, no halo rezultadu jogu sai empate 1–1.

Kontinua ba set datoluk Assalam foti fali vantajen hodi manán ho diferensa pontu haat. 25-21 Vitória ida-ne’e halo Assalam lidera jogu ho rezultadu set 2–1.

Tama ba iha set dahaat ne’ebé nu’udar determinasaun ba ekipa Assalam, Fitun Lorosae hatudu rezisténsia iha set dat-haat no manán 25–23. Ho rezultadu ne’e, Fitun Lorosae empate fali rezultadu jogu ba set 2–2, obriga ekipa rua atu deside vitoria iha set dalima

Iha set lima, ne’ebé sai momentu determinante ba jogu ne’e, Assalam konsege manán ho rezultadu 15–12.

Vitória ne’e garante Assalam taka jogu ho rezultadu finál 3–2, depois enfrenta rezisténsia ida forte loos husi Fitun Lorosae.

Jornalista: Davilio Valdamir/Mario Fili

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!