Ouvir RAFA Ritmo, Voz e Coração de Timor
Díli, 25 Outubru 2026 (RAFA) – AD. Estrela Baguia empate ho Caesar Dante FC ho score 4-4 iha jogu kontinuasaun liga Futsál Timor-Leste Primeira Divisaun, Sábadu-ne’e, iha kampu Futsal F-FDTL, Díli.
Dezde iha inisiu jogu ekipa rua hatudu jogu ho dezempeñu forte hodi fó presaun no lansa sutu ba malu.
Tama ba minutu rua, ekipa AD. Estrela Baguia hetan uluk oportunidade marka golu ida ba rede Caesardante F.C liu husi jogadór Ruben Faria hodi hatuur score 1-0.
Caesardante F.C protidaun hatudu jogu ho kuriosidade responde hikas golu ida AD. Estrela Baguia iha minutu ualu liu-husi jogadór Januario Cabral hodi muda score ba 1-1.
Ho rejultadu ne’e, ekipa rua mantein jogu ho disiplina. Tama ba iha minutu 11 AD. Estrela Baguia marka tan golu liu husi jogadór Bendito Ramos hodi muda score sai ba 2-1.
Ritmu jogu la’o ho intensidade aas liután. Ekipa Caesardante F.C halo bola barullu iha liña defeza, ikus mai konsege lidera tan golu ba AD. Estrela Baguia iha minutu 15 liu husi jogadór Muhammad Robby hodi muda score sai ba 2-2.
Caesardante F. C. aproveita mós tempu hodi aumenta tan golu ba AD. Estrela Baguia iha minutu 19 husi jogadór Alexandre da Cruz hodi muda score sai ba 3-2 no mantein to’o termina jogu primeira parte.
Tama ba segunda parte, iha minutu 34 Caesardante F.C konsege marka golu ba AD.Estrela Baguia liu-husi jogadór Rido hodi lidera 4-2.
Maske nune’e tama ba minutu 35, AD. Estrela Baguia marka tan golu ida hodi hamihis score ba 4-3 liu husi Jogadór Bendito Ramos .
Score ne’e halo ekipa rua jogu ho intensidade aas no halo presaun ba malu. Maibé, tama ba minutu 37, jogadór Muhammad Robby husi ekipa Caesardante F.C halo auto golu, nune’e lori ekipa rua empata ho score 4-4 to’o termina jogu segunda parte nian.
Jornalista: David Gonçalves/Nelson Dias
Written by: RafaFM
AD. Estrela Baguia F.C Empate ho Caesardante F.C 4-4
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt