Ouvir RAFA Ritmo, Voz e Coração de Timor
São Francisco Xavier F. C susesu aproveita tempu iha jogu kontra B'TAL F.C hodi haboot sira-nia score 7-3. Imajen/LFTL
Díli, 24 Outubru 2026 (RAFA)– Ekipa São Francisco Xavier F. C susesu aproveita tempu iha jogu kontra B’TAL F.C hodi haboot sira-nia score 7-3.
Iha jogu kontinuasaun Liga Futsal Timor-Leste Primeira Divizaun entre ekipa rua ne’ebé hala’o iha kampu Futsa F-FDTL, Díli, Sesta-ne’e, ekipa Francisco Xavier F.C lidera uluk ho score 1-0 iha parte dahuluk bainhira jogu foin la’o iha minutu 18 husi jogadór Rolland Howa.
Maski nune’e, B’TAL F.C kontinua buka oportunidade halo empata iha minutu 19 bainhira jogadór Syafr Abdullah konsege marka golu hodi muda score ba 1-1 no rezultadu ne´e mantein to’o intervallu.
Tama ba parte daruak ekipa rua kontinua hatudu jogu kompetitividade aas no halo kontra-atake ne’ebé maka’as tanba ekipa rua hotu-hotu hakarak aumenta sira nia vantajen.
Iha minutu 22, B’TAL F.C sorte konsege marka tan golu daruak liu husi jogadór Eduardo Ximenes hodi muda score ba 2-1.
Rezultadu ne’e lori ekipa rua koko hasa’e liután sira-nia vontade jogu. Tama ba iha minutu 24 ekipa São Francisco Xavier F.C halo outo golu liu husi jogadór Honorio Gomes Maia hodi muda score ba 2-2.
Ekipa B’TAL F.C mós la lakon esperansa hodi halo atake, maibé laiha rezultadu, nune’e, sorte di’ak ba São Francisco Xavier F.C aumenta tan golu iha minutu 25 husi jogadór Rolland Howay hodi muda score ba 3-2.
Ho aumenta golu ne’e halo B’TAL F. C muda ritmu jogu no iha duni rezultadu hodi aumenta tan golu ba São Francisco Xavier F.C iha minutu 27 liu husi jogadór Andrian Syah Andika hodi muda score ba 3-3.
Rezultadu husi score ne’e São Francisco Xavier F. C susesu aproveita tempu haboot sira nia score ho golu haat ne’ebe oferese liu husi jogadór Pilipus Sraun iha minutu 29, Rolland Howay minutu 31, Gabriel Doren minutu 36, Lourenço Oliveira iha minutu 38 to’o termina jogu segunda parte.
Jornalista : David Gonçalves/Domingos Bere
Written by: RafaFM
São Francisco Xavier F.C Aproveita Tempu Haboot Score 7-3 Kontra B'TAL F.C
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt