Ouvir RAFA Ritmo, Voz e Coração de Timor
Prezidente AD SLB Kay Rala Xanana Gusmão fó motivasaun ba jogadora sira hafoin konkista vitória kontra Fitun Lorosa’e ho rezultadu set 3-0.
Díli, 20 Outubru 2026 (RAFA) — Ekipa voleibol feto AD SLB hetan vitória importante hasoru Fitun Lorosa’e ho rezultadu set 3-0.
Iha jogu kontinuasaun jornada daruak Liga Voleibol Timor-Leste Primeira Divizaun époka 2026, ne’ebé hala’o iha Jináziu Desportu Díli (GDD), Segunda-ne’e, ekipa rua hala’o jogu ho kompetisaun maka’ás husi inísiu set dahuluk.
Ekipa rua hatudu kapasidade ofensiva no defensiva ne’ebé di’ak. AD SLB no Fitun Lorosa’e troka malu atake no bloku, hodi kria disputa pontu ne’ebé atrativu no mantein intensidade jogu.
Maski Fitun Lorosa’e tenta fó rezisténsia, AD SLB konsege kontrola situasaun iha momentu importante no taka set dahuluk ho vitória 25-19.
Iha set daruak, AD SLB kontinua hatudu dominasaun liuhusi atake efetivu no organizasaun jogu ne’ebé di’ak. Ekipa ne’e konsege mantein konsentrasaun no kontrola ritmu kompetisaun, hodi manán set daruak ho rezultadu boot 25-16.
Tama ba set datoluk, ne’ebé nu’udar determinasaun ba vitória. Ekipa Fitun Lorosa’e buka hadia ninia prestasaun no fó rezisténsia ne’ebé maka’as liután.
Ekipa ne’e konsege halo disputa sai kompetitivu, maibé AD SLB hatudu konsisténsia iha atake no defeza, hodi taka set datoluk ho rezultadu mihis 25-21 no garante vitória ho set 3-0.
Jogu ne’e akompaña mós husi prezidente klubu AD SLB, atuál Primeiru-Ministru Xanana Gusmão.
Hafoin remata jogu, Xanana Gusmão tun ba kampu hodi fó parabéns ba ekipa AD SLB ba sira-nia vitória.
Jornalista: Davilio Valdamir/ Marito Da Costa
Written by: RafaFM
Ekipa Feto AD SLB Halakon Fitun Lorosa’e 3-0 Liga Voleibol Timor-Leste
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt