Ouvir RAFA Ritmo, Voz e Coração de Timor
Díli, 19 Outobru 2026 (RAFA)-Prezidente Federasaun Futebol Timor-Leste (FFTL), Nilton Telmo Gusmão do Santos, informa konstrusaun ba estádiu Munisipál Díli sei konstrui husi kompañia husi nasaun estranjeru iha fulan-Novembru, tinan ne’e.
“Ita hakarak hahú iha Novembru nia laran tanba aprovasaun ba ezekusaun orsamentu projetu ne’e halo tiha ona, FIFA toma ona desizaun no orsamentu aloka ona. Tanba ne’e mak ita hakarak aproveita tempu atu Estádiu ne’e hahú hadia ona,” Nilton Telmo Gusmão do Santos informa ba jornalista sira iha Otél Timor, Díli, Sábadu-ne’e.
Nia hatutan, projetu reabilitasaun referida sei responsabiliza husi kompania estranjeira ida, maibé naran kompania ne’e sei publika iha tempu apropriadu.
“Kompañia estranjeru, maibé depois mak ita sei publika. Ha’u seidauk bele dehan tan buat ida iha ne’ebá, mais ha’u fiar dehan kompañia ne’e iha kondisoins para halo, evaluasaun la’ós ami deit mak halo, FIFA mós involve iha prosesu evaluasaun ne’e”, tenik Prezidente FFTL ne’e.
Nia afirma, projetu ne’e tenke hahú iha Novembru nune’e to’o 2027, Timor-Leste iha infraestrutura desportiva apropriada ba jogu internasionál iha rai rasik.
“To’o tinan ikus 2027 ita bele iha ona infresturtura apropeiadu, no iha 2028 ita hahú halo ita nia jogu internasionál nu’udar uma na’in iha ita nia rai rasik,” tenik Nilton Gusmão.
Lideransa ezekutvu FFTL ne’e mós husu ba kompañia ne’ebé sei responsabiliza ba reabilitasaun Estádiu Munisipál Díli, atu kumpre prazu konstrusaun ne’ebé konkorda ona, hodi asegura katak infraestrutura ne’e prontu molok remata tinan 2027.
Nune’e, iha tinan 2028, Timor-Leste bele prepara an atu simu no hala’o jogu internasionál nu’udar uma-na’in, inklui kompetisaun ho sistema home and away.
Jornalista : Marito da Costa
Written by: RafaFM
Reabilitasaun Estádiu Díli Sei Hahú iha Novembru
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt