Ouvir RAFA Ritmo, Voz e Coração de Timor
Xanana Gusmão selebra vitória ho jogadora sira AD SLB kontra Jolitoni ho rejultadu 3-0 iha Liga Voleiból Timor-Leste Primeira Divizaun Époka da-hitu, 2026
Díli, 13 Outubru 2026 (RAFA)- Ekipa feto, AD SLB hahú kompetisaun Liga Voleiból Timor-Leste Primeira Divizaun Époka Da-hitu, tinan 2026, ho vitória konvivente 3-0 kontra Jolitoni, iha jogu abertura ne’ebé hala’o iha Jináziu Díli, Segunda-ne’e.
Iha set dahuluk, jogadór husi ekipa rua hatudu performa no estratéjia kompetitiva. Maibé, AD SLB hatudu organizasaun di’ak iha defeza no efisiénsia iha atake, nune’e halo Jolitoni enfrenta difikuldade atu kompete ho ritmu jogu adversáriu. AD SLB konsege taka set dahuluk ho vitória 25-19.
Intensaun atu kontinua domina jogu ne’e sai klaru iha set daruak. AD SLB kontinua mantein konsentrasaun, organiza kombinasaun entre jogadór sira no aproveita oportunidade atu aumenta pontu. Ho atake ne’ebé efetivu no servisu ekipa ne’ebé solidu, AD SLB manán set daruak ho rezultadu 25-20, hodi lidera 2-0.
Tama ba set datoluk, AD SLB kontinua hatudu determinasaun no aumenta presaun ba Jolitoni. Maski Jolitoni esforsu atu hasoru atake adversáriu, AD SLB nafatin domina disputa pontu sira no taka set datoluk ho rezultadu klaru 25-13.
Ho rezultadu ne’e, AD SLB asegura vitória 3-0 iha jogu abertura, hodi hahú sira nia kampaña iha Liga Voleiból Timor-Leste Primeira Divizaun Époka Da-7, tinan 2026, ho rezultadu pozitivu.
Jornalista: Davilio Valdamir/Marito Da Costa
Written by: RafaFM
Ekipa Feto AD SLB Manan Jolitoni 3-0 iha Abertura Liga Voleiból Timor-Leste Primeira Divizaun
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt