Desporto

Mauputar F.C Lidera AD Estrela Bagui 3-1, Jogu Adia Tanba Perturbasaun Adeptu sira

todayOctober 13, 2026 47

Background
share close

Díli, 12 Outubru 2026 (RAFA) – Jogu kontinuasaun Liga Futsal Timor-Leste Primeira Divizaun entre Mauputar FC no AD Estrela Baguia, hetan interrompe iha minutu 32, bainhira Mauputar FC lidera ho rezultadu 3-1.

Jogu ne’ebé hala’o iha Kampu Futsal F-FDTL, Fatuhada, Domingu-ne’e, interrompe tanba deskontentamentu husi adeptu  husi AD Estrela Baguia kona-bá desizaun balu iha jogu, ne’ebé kauza perturbasaun no tentativa atu tama ba kampu laran.

Iha primeira parte, ekipa rua hatudu jogu ne’ebé kompetitivu, ho presaun maka’ás ba malu. Maibé, AD Estrela Baguia konsege loke uluk rezultadu liu husi nia jogadór Akran, iha minutu 11, hodi lidera 1-0.

Tama ba segunda parte, Mauputar F.C aumenta presaun no konsege marka golu tolu.

Iha minutu 21, Joice Lainokas marka golu iguala, antes Ortega Paitola aumenta golu daruak iha minutu 22, hodi muda rezultadu ba 2-1, no Joice Lainokas marka nia golu daruak iha jogu ne’e, iha minutu 31, hodi aumenta vantajen Mauputar ba 3-1.

Bainhira jogu tama ona ba minutu 32, komisaun no árbitru deside interrompe jogu tanba mosu deskontentamentu husi adeptu balu AD Estrela Baguia, ne’ebé tenta tama ba kampu atu hamosu perturbasaun.

Tuir informasaun ne’ebé RAFA rekolla, enkontru entre ekipa rua ne’e sei adia ba loron seluk, ne’ebé seidauk determina. Bainhira jogu kontinua fali, rezultadu sei hahú husi score 3-1, tuir informasaun ne’ebé disponivel.

Iha tabela klasifikasaun provizória, AD Estrela Baguia no Mauputar F.C iha pontu hanesan, kada ekipa ho 12 pontu. AD Estrela Baguia okupa pozisaun lideransa, enkuantu Mauputar F.C iha pozisaun daruak.

Jornalista: Marito da Costa

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!