play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

AD Bas Halo Remontada iha Segunda Parte Hodi Manán Caesar Dante F.C 3-2

todayOctober 10, 2026 27

Background
share close

Ekipa AD Bas.

Díli, 10 Outubru 2026 (RAFA) –  Ekipa AD Bas halo remontada  hafoin derrota uluk 0-2 iha primeira parte. Maibé, tama ba segunda jogu konsege ‘haka’ás’ Caesar Dante F.C ho rezultadu finál 3-2.

Iha kontinuidade kompetisaun Liga Futsal Timor-Leste, semana ba-dalima entre ekipa AD Bas ho Caesar Dante FC, iha Kampu Futsal F-FDTL, iha Díli, Sesta-ne’e, Caesar Dante F.C domina bola no konsege marka golu rua.

Alexandre da Cruz loke konta golu iha minutu 11, antes Angelus Falintil aumenta vantajen ba 2-0 iha minutu 17. Rezultadu ne’e mantein to’o intervalu.

Hakat ba segunda parte, AD Bas hatudu determinasaun atu buka igualdade. Jogadór Anzar konsege marka golu dahuluk iha minutu 22, hodi hamenus diferensa ba 1-2.

Presaun AD Bas kontinua, no Agripino Guterres konsege aumenta golu iha minutu 27, hodi halo empate 2-2.

Iha momentu importante ne’e, Anzar sai eroí ba AD Bas, hafoin marka golu daruak ba nia ekipa, iha minutu 39, ne’ebé garante vitória 3-2 ba AD Bas.

Ho vitória ne’e, AD Bas aumenta nia pontu ba lima iha tabela klasifikasaun provizória, enkuantu Caesar Dante F.C kontinua ho pontu sia.

Jornalista: Marito da Costa

 

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!