Desporto

LFTL Primeira Divizaun, Maudoko F.C no B’Tal F.C Fahe Pontu Hanesan 5-5

todayOctober 9, 2026 23

Background
share close

Díli, 09 Outubru 2026 (RAFA)- Ekipa Maudoko F.C no B’TAL F.C fahe pontu hanesan iha jornada da-lima Liga Futsal Timor-Leste (LFTL) primeira divizaun hafoin ekipa rua empata ho score 5-5 iha jogu ne´ebé halao iha Kampu Futsal F-FDTL  iha Díli, Kinta-ne’e.

Iha inisiu jogu, ekipa rua hala’o jogu ho kuidadu tebes hodi buka oportunidade no  lansa kontra atake ba malu, maibé sorte di’ak monu ba ekipa B’Tal F.C hodi marka uluk golu rua tuir malu liu husi jogadór Syafri Abdullah iha minutu ualu no sia hodi lori B’Tal F.C lidera uluk ho score 2-0.

Ho rezulatadu ne’e obriga ekipa rua hala’o jogu ho ofensivu liután. Tama ba iha minutu 19 Maudoko F.C konsege lansa golu rua tuir malu liu husi jogadór Dewa Henuk no Bayu Bagaskoro hodi halo balansu ba score sai 2-2 to’o termina jogu priemeira parte.

Iha segunda parte, tensi jogu komesa manas liután hodi atrai adeptu hadomi futsal sira ne´ebé asiste jogu refere.

B’Tal F.C ne’ebé mak hatudu ritmu jogu di´ak konsege lansa golu da-toluk liu husi makina golu Geovanio Manggut iha minutu 21 hodi lori ekipa B’Tal F.C lidera ho score 3-2.

Tama ba iha minutu 31 Verito Fragoso susesu produs golu ida hodi halo balansu ba score 3-3 maibé score refere la dura to’o tempu naruk tanba Syafri Abdullah marka hikas Nia naran hodi lori nia ekipa B’Tal F.C lidera hikas ho score 4-3.

Ho Score refere halo jogadór Maudoko F.C Iqbal Aliefian konsege aproveita intensidade jogu hodi lansa golu Rua tuir malu iha minutu 35 Nia laran hodi lori nia Ekipa Lidera hakas ho score 5-4. No Golu ne´e obriga B’Tal F.C tenke jogu power play no konsege fo rezulatadu pozetivu iha minutu 37, Eduardo Ximenes susesu produs golu ida ne’ebé Salva ekipa B’Tal husi derota hodi halo balansu ba score sai 5-5.

Rezultadu empata ne’e hatuur Maudoko F.C iha pozisaun da-Toluk ho pontus 10 husi jogu lima manan tolu Empata Ida no derota Ida. Enkuantu ekipa B’Tal F.C iha pozisaun da-neen ho pontus hitu husi jogu lima manan Rua empata ida no derota rua

Jornalista: Davilio Valdamir/ Nelson Dias

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!