AD Estrela Baguia Haka’ás Ramelau F.C 4-1

AD Estrela Baguia.

Díli, 6 Outubru 2026 (RAFA)–Ekipa Ad. Estrela Baguia konkista vitória hodi haka’ás  Ramelau F.C  ho rezultadu 4-1 iha  jogu kontinuasaun Liga Futsál  primeira divisaun, Segunda-ne’e.

Duelo entre klubu rua  ne’ebé hala’o iha kampu futsal F-FDTL, Díli, Ad. Estrela Baguia ho Ramelau F.C hatudu kedas sira-nia superioridade hodi kontra ateke no buka oportunidade atu marka golu.

Tama ba minutu haat, Ramelau F.C produs uluk  golu ida husi jogadór Elfalino Guterres halo hodi hatuur score 1-0.

Ho golu ne’e lori ekipa rua  nafatin mantein ritmu jogu ho intensidade a’as  hodi buka oportunidade. Nune’e tama ba minutu 10, Ramelau F.C aproveita tempu konsege responde hikas golu ida ba ekipa Ad. Estrela Baguia husi  jogador Romulo Escurial hodi muda kuadru score ba 1-1 to’o termina jogu primeira parte

Hakat ba segunda parte, tensi jogu komesa manas liután. Ekipa rua lansa kontra no atake ba malu, maibé  tama ba minutu 27, ekipa AD. Estrela Baguia halo bola barullu iha liña defeza ikus mai konsege produs  golu  ba ekipa Ramelau F.C liu husi jogadór  M. Ramadhan muda score ba 2-1.

Ekipa AD. Estrela Baguia  hasa’e liután sira nia  vontade jogu,  nune’e tama ba minutu 30 jogador Bendito Ramos marka  tan golu ba Ramelau F.C sai ba 3-1.

Iha minutu ikus atu remata jogu  segunda parte nian, iha minutu 37 oportunidade di’ak ba AD. Estrela Baguia hodi lori bola ho fasil no domina  kampu hodi haboot tan sira nia score 4-1 liu husi golu ida ne’ebé kontribui husi jogador Ruben Faria to’o jogu segunda parte termina.

Jornalista: Marito da Costa/Davit Gonçalves