Desporto

F.C Coelho Rekolla Pontu Sia iha Liga Futsal Timor-Leste

todayOctober 5, 2026 24

Background
share close

Díli, 5 Outubru 2026 (RAFA) — Hafoin halakon nia aniversáriu  B’Tal F.C ho rezultadu 5–3,  F.C Coelho rekolla pontu sia (9) iha jogu kontinuidade Primeira Divizaun, Jornada ba dala-haat Liga Futsal Timor-Leste.

B’Tal FC komesa jogu ho di’ak no marka golu rua liuvhusi jogador Geovanio Manggut iha minutu 4 no 10, hodi lidera 2–0 to’o primeira parte remata.

Tama ba segunda parte, Hilario Ximenes hamenus diferensa iha minutu 23, maibé B’Tal F.C liu husi jogador Dwi Wadu aumenta tan vantajen  iha minutu 26, hodi muda rezultadu sai 3–1.

F.C Coelho responde liu husi Rivaldo Pereira iha minutu 33, antes akontese auto golu, ne’ebe halo husi Gebraldo da Silva iha minutu 37 hodi ajuda F.C Coelho  halo impata score 3–3.

Iha minutu ikus, Idris Muhammad marka golu rua iha minutu 38 no 39, hodi lori F.C Coelho ba vitória ho rezultadu final 5–3.

Ho vitória ne’e, FC Coelho rekolla pontu sia husi jogu tolu, enkuantu B’Tal FC nafatin ho pontu neen.

Jornalista: Marito da Costa

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!