Desporto

Manan Mushila 5-2, Maudoco F.C Enfrenta B’Tal F.C

todayOctober 5, 2026 23

Background
share close

Díli, 5 Outubru 2026 (RAFA)  – Hafoin manan Mushila  F.C  ho score 5-3, Domingu-ne’e, maka faze tuir mai Maudoco F.C enfrenta B’Tal FC iha Kinta-lorokraik, 8 fulan-Outubru ne’e.

Iha jogu kontinuasaun  Liga Futsál Timor-Leste primeira divizaun entre Maudoco F.C  ho Mushila  F.C  iha Kampu Futsal Kuartel Jenerál F-FDTL, Díli,  Maudoco  F.C hatudu kedas dominasaun iha inisiu jogu hafoin tama ba minutu tolu lansa kedas golu ida ba nia adversáriu Mushila F.C liu-husi jogador Bayu Bagaskoro hodi halo score 1-0.

Ho golu ne’e  lori mós ekipa Mushila F.C koko halo atake no tama ba  minutu 15 konsege responde  golu ida  ba Maudoco F.C husi jogador Kofaludin muda kuadru ba 1-1.

Jogu kontinua manas liután. Ekipa rua nafatin hala’o jogu ho defensivu no buka  oportunidade  halo kontra no atake ba malu ho tátika   lais, maibé sorte di’ak monu ba ekipa Maudoco F.C hodi  marka tan golu rua tutuir malu ba Mushila  F.C  iha minutu 16  liu-husi jogadór Ikbal Alifefan no  minutu 18 hatama husi jogador Denilio Pinto hodi muda kuadru  score sai ba 3-1 to’o jogu primeira parte remata.

Tama  ba jogu segunda parte, iha miniutu minutu 26  Maudoco F.C aumenta tan golu ida liu husi jogador Bayu Bagaskoro hodi muda kuadru score sai ba 4-1.

Score 4-1 la hamate mós adversariu Mushila F.C  hodi halo lansa kontra no atake. Nune’e, iha  minutu 29 liu husi jogador Rivaldo Faria muda kuadru score sai ba 4-2.

Atu termina jogu segunda parte iha  minutu 31, Maudoco F.C haboot nia esperan mánan aumenta tan golu  ida ba Mushila F.C liu-husi jogadór Jilson  Correia hodi  muda kuadru  score  sai ba 5-2 to’o termina jogu segunda parte remata.

Jornalista: David Gonçalves

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!