Caesar Dante F.C “Lulun” Saralima F.C ho Golu 13-1 iha Liga Futsal Timor-Leste Primeira Divizaun

Díli, 02 Outubru 2026 (RAFA) –  Caesar Dante F.C hatudu nia superioridade hasuru nia adversáriu Saralima F.C  iha jogu kontinuasaun Liga Futsal Timor-Leste  Primeira Divizaun, Kinta-ne’e, ho rezultadu ikus 13 -1.

Dezde inisiu duelo ne’ebé hala’o iha Kampu Futsal F-FDTL iha Díli, Caesar Dante F.C diretamente hatudu dominasaun no konsege marka golu lima tuituir malu ba rede Saralima F.C liu husi jogador Juvilio Soares iha minutu ida ho minutu tolu.

Jogador Saralima F.C, Gaspar Ximenes  responde hikas golu ida ba guarda rede Caesar Dante F.C hodi taka jogu priemeira parte ho  score 5-1.

Kontinua ba segunda parte Saralima F.C   hatudu nia dominasaun jogu hodi halo atake. Maibé, ho atake hirak ne’e ekipa Caesar Dante F.C konsege halo defeza ne’ebé solidu. Ho nune’e, habo’ot liu tan sira nia score sai ba 13 – 1 iha  liu husi jogador Leonildo Torres iha minutu 24,  Denato  Correia minutu 25, Juvilio Soares minutu 33, Leonildo Torres minutu 34, Lenildo Torres minutu 34, Anjbi Pingeiro minutu 37 no Rivanio Santos iha minutu 37.

Golu  ikus marka husi Januario Cabral  iha minutu 39  to’o termina jogu segunda parte lori vitória ba  Caesar Dante F.C. lidera ho score 13-1.

 Jornalista : David  Gonçalves