play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Boa Sorte F.C “Laiha Sorte” Enfrenta Becusse United iha Liga Futsal Timor-Leste

todaySeptember 30, 2026 19

Background
share close

Ekipa Becusse United

Díli, 30 Septemberu 2026 (RAFA)- Iha jogu kontinuasaun Liga Futsal Timor-Leste segunda divizaun ne’ebé hala’o iha Kampu Futsal F-FDTL, Díli, Kuarta-ne’e, ekipa Boa Sorte F.C  bele dehan “laiha sorte” tanba lakon ho score 0-3 hasoru nia adversáriu Becusse United.

Iha inísiu jogu, ekipa Boa Sorte ne’ebe haforsa husi jogador estranjeiru na’in-tolu hanesan Francisco Berdato, Yuan Fredik no Erico Antinio Fatima, konsege domina liu bola. Maibé, Becusse United ne’ebé komanda husi kapitaun Abuta konsege harii liña defensiva ne’ebé solidu, nune’e la fó espasu ba Boa Sorte atu “hetan sorte” fura rede Becusse United.

Tama ba minutu 9, Becusse United konsege aproveita kontra-atake ne’ebé lalais, liu husi jogador Zemon, hodi marka golu primeiru no lori nia ekipa lidera provizoriu ho vantajen 1-0.

Ho golu ne’e, ritmu jogu komesa manas liután. Ekipa rua  lansa kontra atake ba malu. Maibé, la iha tan golu ne’ebé akontese to’o primeiru tempu remata. Nune’e, Becusse United kontinua lidera ho score 1-0.

Kontinua ba segunda parte, ekipa Becusse United aproveita oportunidade sira no aumenta tan golu rua tuir-tuir malu, liu husi jogador Natanael iha minutu 24 no Frnalelo iha minutu 25. Ho golu rua ne’e, Becusse United haboot nia vantajen no muda rezultadu sai 3-0.

Tama ba minutu 33, Becusse United tenke kontinua jogu ho jogador na’in-tolu, hafoin Manuel Mauguto simu kartaun kinur daruak no hetan kartaun mean.

Maski iha vantajen númeriku, Boa Sorte nafatin “laiha sorte” hodi aproveita oportunidade sira ne’ebé iha. Becusse United mantein liña defensivu ne’ebé solidu to’o jogu remata. Ho nune’e, vitória ba Becusse United ho score 3-0.

Jornalista: Davilio Valdamir/ Nelson Dias

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!