Ekipa Choque Mane-Feto Kampiaun Liga Voleibol Segunda Divizaun Époka 2026

Ekipa Choque Mane-Feto Kampiaun Liga Voleibol Segunda Divizaun Époka 2026.

Díli, 26 Setembru 2026 (RAFA)- Ekipa voleibol mane no feto husi Klubu Choque susesu konkista titulu kampeaun Liga Voleibol Segunda Divizaun époka 2026, hafoin ekipa rua rekolla vitóri hasoru sira-nia adversáriu sira iha jogu final.

Iha final ekipa Choque mane manan nia adversáriu Matebian ho score 3-0 no ekipa feto mós hatudu sira-nia kualidade hofi hakon sira-nia adversáriu Kablaki Ho score 3-0.

Duelo ba final ekipa feto-mane hala’o  iha Ginásiu Desportu Dili (GDD), Sesta-ne’e, ekipa mane desde set dahuluk hatudu kompetisaun ne’ebé intensu no atrativu, ho jogu ofensiva no defesa ne’ebé di’ak.

Iha set dahuluk, Choque konsege kontrola ritmu jogu no manan Matebian ho pontu 25-20.

Tama ba set daruak, Choque aumenta tan presáun no domina liu tan jogu ho kombinasaun atake no defesa ne’ebé forte, Choque taka set daruak ho pontu 25-14.

Iha set datoluk, ne’ebé sai determinante ba títulu, Choque kontinua hatudu konsisténsia no la fó oportunidade ba Matebian atu halo comeback. Choque ikusmai manan ho pontu 25-15, hodi taka jogu ho vitória 3-0 no konkista títulu kampeaun.

Iha jogu ekipa feto, Choque hatudu jogu maka’as no jogu ne’ebé atrativu desde set dahuluk maibé Choque konsege domina set dahuluk ho rezultadu mihis 25-23.

Kontinua ba set daruak, Choque aumenta tan nia dominasaun no halo Kablaki hetan presaun boot. Ho jogu ne’ebé konsistente no ofensiva ne’ebé efetivu, Choque konsege manan ho rezultadu 25-16, hodi aumenta vantagem ba 2-0.

Iha set datoluk, Choque kontinua hatudu dominasaun no konsisténsia maske Kablaki esforsu atu halo reasaun, Choque nafatin kontrola ritmu jogu no aumenta presaun to’o remata set ho vitoria 25-20. Rezultadu ne’e garante Choque taka final ho vitoria 3-0 no  Sa’i Kampeaun ba Liga Voleibol Segunda Divizaun 2026.

Ho rezultadu ne’e, Ekipa Choque Mane no Feto hetan troféu no premiu osan ho montante US$  2.000 Ba kafa ekipa.

Segundu lugar ekipa mane monu ba Kablaki no hetan premiu US$ 1.500 no ekipa Daucate sai terseru no hetan premiu US$1.000, no pozisaun kuartu okupa husi ekipa Loe-Laco, ne’ebé hetan premiu osan US$500.

Ekipa Feto segundu lugar monu ba Kablaki ho premiu US$ 1.500, AD Uniaun iha pozisaun datoluk ho premiu US$1.000 no Ekipa 4 de Setembru, ne’ebé okupa pozisaun Quaro lugar, simu premiu osan US$500.

Entertantu, Liga Voleibol Segunda Divizaun ne’e partisipa husi ekipa voleibol mane hamutuk 14, ho ekipa Choque sai nu’udar kampeaun no Feto kompete husi ekipa 16.

Jornalista: Davilio Valdamir/ Domingos Bere