Deston Betty Lori Mauputar F.C Rekolla Pontu Tolu Hafoin Manan B’Tal F.C Ho Score 5-4

Mauputar F.C

Díli, 20 Setembru 2026 (RAFA)- Jogadór Deston Betty susesu marka golu vitória ba nia ekipa Mauputar F.C hodi rekolla pontu tolu iha jogu kontinuasaun Liga Futsal Timor-Leste hafoin halakon nia adversáriu B’Tal F.C ho score mihis 5-4.

Jogu priemeira parte hahú iha Kampu Futsal, F-FDTL, Díli, Domingu-ne’e,  ekipa rua hala’o jogu ho kuidadu hodi lansa kontra atake ba malu no tama ba iha minutu 12 Mauputar F.C konsege lidera uluk hafoin Joice Liunokas susesu marka golu ida hodi lori nia ekipa lidera ho score 1-0.

Ho golu ne’e obriga ekipa rua lansa kontra atake ba malu, maibé Mauputar F.C konsege aproveita hodi lansa tan golu ida liu husi jogador Ortegar Patola hodi aumenta score ba 2-0.

Ho Score refere tensi jogu komesa manas liután ba ekipa rua hodi lansa kontra atake ba malu. Tama ba iha minutu 17, B’Tal tenke joga ho jogadór na’in-haat hafoin Dwi Wadu hetan kartaun mean.

Menus jogadór ida, halo ekipa Mauputar F.C aproveita hodi lansa tan golu ida hodi haboot score sai 3-0 liu husi jogador Joice Liunokas.

B’Tal FC foin responde golu ida iha minutu 18 liu husi jogador Geovanio Manggut Hodi hamihis score sai 1-4 no to’o termina jogu priemeira parte ekipa Mauputar F.C kontinua lidera.

Kontinua ba jogu segunda parte, tensi jogu komesa manas liu tan ba ekipa rua ne’e hodi lansa kontra atake ba malu no tama ba iha minutu 30 B’Tal F.C konsege hamihis Tan score sai 2-4 liu husi jogadór Geovanio Manggut. No ekipa B’Tal F.C konsege produs tan golu rua tui-tuir malu liu husi jogador Syafri Abdullah iha minutu 36 no Alfiano Budaya iha minutu 38 hodi halo empata ho score sai 4-4.

Ho Score refere tensi jogu komesa as liután ba ekipa rua ne’e hodi lansa kontra atake ba malu no tama ba iha minutu 39 Deston Betty susesu marka golu ida hodi lori ekipa Mauputar F.C lidera hikas ho score 5-4 no to’o termina jogu segunda parte, ekipa Mauputar F.C kontinua lidera mo rekolla pontu tolu importante hodi hakat ba jornada datoluk.

Jornalista: Davilio Valdamir/ Mario Fili