Kompetisaun Off -Road iha Díli Hametin Amizade TL ho NTT

Komisaun Organizadora ba eventu Off-Road 2026.

Díli,10 Setembru 2026 ( RAFA ) –  Atu hametin lasu amizade entre Timor -Leste ho Nusa Tenggara Timur (NTT), Indonézia,  Palásiu Prezidensiál organiza kompetisaun Off -Road ne’ebé sei realiza iha arena Kristu Rei, Díli, iha loron 12 to’o loron 13 fulan-Setembru ne’e.

Kompetisaun nivel internasionál ne’e sei partisipa husi off-Roader 28, kompostu husi  uma-na’in (Timor-Leste) 11 no  husi NTT  na’in-17.

Prezidente Komisaun Organizadora ba eventu Off-Road  2026 , Daniel Sword Gusmão informa katak eventu refere loke ba públiku atu habelar liután kompetisaun off-road ne’ebé ho tempu hanesan hodi promove amizade entre  Timor-Leste no NTT.

‘’Eventu ida ne’e ba públiku atu promove relasaun amizade ne’ebé eziste nanis ona entre Timor-Leste ho ita nia viziñu sira iha NTT,” Daniel Sword Gusmão hatete ba jornalista sira iha Díli, Kuarta ne’e.

Iha fatin hanesan Prezidente Federasaun Off-Road Timor-Leste, Manuel de Araújo kongratula komisaun organizadora sira tanba bele halibur fila-fila off-roader sira ba partisipa iha kompetisaun.

“Ami agradese teb-tebes  ba hot-hotu bele halibur fila-fali off-roader  ba iha kopmpetisaun ne’e,’’ Manuel de Araújo. hateten

Koordenadór Jerál kompetisaun Off-Road 206 ,Tony Lopes esplika kompetisaun ba off -Roader sira sei kompete ho klasse hamutuk hitu, maibé ho kategoria klasse ne’ebé diferente.

‘’Ita iha ne’e iha klasse hitu no iha mós klasse extra-ida. Mais, ida ne’e klasse ida, por enkuantu ami labele anúnusia to’o loron mak ita sei asiste, ne’ebé ha’u hahú ne’e iha klasse haat, klasse Free For Wold,  klasse livre ba kategoria feto , klasse 0 to’o 1600 CC, klasse under , medium klasse 0  to’o 2500 CC , Klasse Uppel 4 000000 , klasse free for wold,” Tony Lopes haktuir.

Nia mós relata kona-bá premiu sei mai ho  tasa tolu; ba primeiru lugar ,segundu lugar, terseiru lugar, kuartu no kintu sei simu medalla.

Iha klasse  4 vezes 2  primeiru lugar sei hetan US$300.00 Segundu lugar US$200.00, Terseiru lugar US$75.00  Kuartu US$50.00.

Klasse Free For World Feto nian Primeiru lugar US$500.00, Segundu Lugar US$300.00, Terseiru Lugar US$200.00, Kuartu lugar  US$100, Kintu Lugar US$75.00.

Klasse internasionál 0 to’o 1600 CC ,Primeiru lugar US$1,000.00, Segundu lugar US$500.00, Terseiru lugar US$150.00, Kintu lugar US$100.00.

Klasse Appel 40.0000, Primeiru lugar US$1,000.00, Segundu lugar US$500.00, Terseiru lugar US$250.00, Kuartu Lugar US$150.00 no  Kintu lugar US$100.00.

Jornalista: David Gonçalves/ Marito Da Costa