play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Liga Futsal 2026/2027, Estrela Baguia Kontrata Jogadór Na’in-Haat no Treinadór Ida husi Indonézia

todaySeptember 2, 2026 142

Background
share close

Prezidente AD Estrela Baguia, Helio Amaral Francisco.

Díli, 02 Setembru 2026 (RAFA) – Ekipa AD Estrela Baguia kontratu jogadór estranjeiru na’in-haat, inklui treinadór ida husi Indonézia, hodi hametin preparasaun ekipa antes partisipa iha kompetisaun Liga Futsal Primeira Divizaun époka 2026/2027.

Prezidente AD Estrela Baguia, Helio Amaral Francisco, ba RAFA iha kampu Futsal Matadoru, Tersa-ne’e afirma, nia ekipa preparadu ona hodi kompete iha Liga Futsal époka 2026/2027.

“Agora daudaun ami sei uza hela Asistent Coach, tanba ami mós hetan apoiu husi Coach husi Indonézia. Tanba ne’e, ami nia preparasaun kuaze to’o ona 70 pursentu hodi partisipa iha Liga,” Helio Amaral Francisco hatete.

Nia hatutan, Estrela Baguia iha planu atu halo tan kontratu ho jogadór estranjeiru na’in-ne’en. Agora daudaun, jogadór na’in-haat mak iha ona kontratu fixu ho ekipa. Enkuantu, jogadór na’in-rua seluk sei iha prosesu negosiasaun. Kuaze jogadór estranjeiru hotu mai husi Indonézia.

“Dokumentu sira kuaze ami trata hotu ona, atu iha Kuarta no Kinta-feira sira bele to’o no marka prezensa iha Timor-Leste,” nia haktuir.

Helio Amaral afirma, ho prezensa jogadór foun sira, Estrela Baguia iha ambisaun atu kompete ho ekipa boot sira iha Primeira Divizaun, luta ba vaga Final Four no evita zona degradasaun. Alende ne’e, ekipa mos iha ambisaun boot atu disputa ba títulu kampiaun.

Prezidente ekipa ne’e mós relata, iha époka 2026/2027, Estrela Baguia hetan apoiu husi jogadór lokal foun sira husi klubu boot balu, hanesan Colhu, Boa Sorte no Saralima.

“Ami nafatin uza ami nia jogadór tuan sira ne’ebé sae husi Segunda Divizaun. Ami hetan mos apoiu husi jogadór lokal foun kuaze na’in hitu to’o na’in walu, maioria mai husi klubu Colhu, Boa Sorte no Saralima,” nia esplika.

Jogadór foun sira ne’ebé sei haforsa ekipa AD Estrela Baguia mak Bendito Ramos, Ruben Faria, Miguel Fernandes Lay, Zaquel Sanches Pinto, Wahyu Sumbaha (Indonézia), Lucky Wila (Indonézia), Daud Manimau (Indonézia), Fabian Mone (Indonézia) no Fernando Ronaldo Da Costa (GK).

Husi naran sira ne’e, jogadór estranjeiru na’in rua seluk husi Indonézia sei kontinua iha faze negosiasaun ho ekipa.

Jornalista: Marito da Costa

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!