play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

ASEAN Hyundai Cup 2026, Timor-Leste Sofre 0-3 Kontra Kambodia

todayAugust 4, 2026 32 7

Background
share close

Kambodia asegura sira nia vitória dahuluk iha Grupu A hosi ASEAN Hyundai CupTM 2026 iha Segunda-ne'e, ho score 3-0 hasoru Timor-Leste iha Estádiu Nasionál Morodok Techo iha Phnom Penh. Imajen/aseanfootball.org

Díli, 04 Agostu 2026 (RARA.TL) – Ekipa Selesaun Nasionál Futebol Timor-Leste kontinua sofre derrota iha jogu da-haat kontinuasaun grupu A ASEAN Hyundai Cup 2026 ho score 0-3 hasoru Kambodia.

Jogu ne’ebé hala’o iha  Estádiu Morodok Techo, Phnom Penh, Kambodia, Segunda-ne’e, ekipa nasionál Kambodia hatudu performa ne’ebé organizadu ho kontrolu bola di’ak no halo dominasaun ba jogu. Enkuantu Timor-Leste mós hatudu jogu agresivu no buka atu kria oportunidade.

Timor-Leste lansa ameasa dahuluk iha minute-neen liuhosi suta Zion Cruz iha área penalidade, hafoin simu pasajen husi Olegar Malik, maibé bola ne’e konsege salva husi guarda-rede Kambodia nian.

Kambodia kolekta golu iha minutu 16 liuhosi kabesada Haf Soknet, hafoin simu pasajen husi Sokha Phat, hodi lori nia ekipa lidera ho score 1-0.

Hafoin sofre golu ida, Timor-Leste aumenta presaun no halo kontra-atake balu liuhosi Zenivio Mota no João Rangel. Maibé, oportunidade sira ne’e seidauk bele transforma ba golu to’o intervalu, score mantein 1-0 ba Kambodia.

Tama ba segunda parte, Timor-Leste buka oportunidade hodi halo empata ba score ne’ebé iha. Jogadór Zion Cruz dala barak sobu liña defensiva adversáriu no hetan oportunidade briliante iha minutu 60, maibé nia suta iha área penalidade konsege blokeia husi guarda-redes Kambodia.

Iha minutu 64, Kambodia aumenta golu ida tan liuhosi jogadór Haf Soknet ne’ebé aproveita oportunidade ho másimu no lansa sutu direta ida hodi muda score ba 2-0.

Hafoin golu daruak ne’e, Timor-Leste aumenta tan esforsu atu buka golu, maibé Kambodia kontrola ritmu jogu no defende ho di’ak.

Iha minutu 89, Kambodia taka vitória ho golu da-toluk liuhusi kabesada Mon Rado, hafoin simu bola kruza husi sorin karuk hodi hatuur score 3-0.

Ho rezultadu ne’e, Kambodia rekolla pontu tolu no sae ba pozisaun dahaat iha klasifikasaun grupu A. Enkuantu Timor-Leste nafatin iha pozisaun ikus no seidauk rekolla pontu ida.

Jornalista: Marito da Costa

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!