play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

ASEAN Hyundai Cup, Timor-Leste Lakon Hasoru Singapura ho Score 0-2

todayJuly 28, 2026 16

Background
share close

Avansadu Selesaun Singapura Ilhan Fandi (19) selebra golu hasoru Timor-Leste iha jogu ASEAN Hyundai Cup Grupu A 2026 iha Estádiu Jalan Besar, Singapura, Segunda, 27 Jullu 2026. Imajen/aseanutdfc.com

Díli, 28 Jullu 2026 (RAFA.TL) – Selesaun nasionál Timor-Leste lakon hasoru Singapura ho score 0-2 iha partida Grupu A ASEAN Hyundai Cup 2026, ne’ebé realiza iha Estádiu Jalan Besar, Kallang, Singapura, Segunda-ne’e.

Golu rua ba Singapura marka husi Ilhan Fandi no Song Ui-young, ne’ebé garante vitória daruak tuir malu ba ekipa treinadór Gavin Lee.

Iha parte dahuluk, ekipa rua hahú jogu ho kalma no buka oportunidade atu ataka malu. Maibé, Singapura domina liu bola hodi halo presaun ba liña defensivu Timor-Leste.

Iha minutu 29, Singapura marka bola ba rede Timor-Leste, liuhusi jogadór Ilhan Fandi, maibé árbitru anula gólu ne’e tanba konsidera nia iha pozisaun offside.

Jogu kontinua la’o no Singapura hatudu kombinasaun pasajen no kruzamentu ne’ebé efetivu. Iha minutu 40, Ilhan Fandi konsege marka gólu dahuluk liuhosi kabesada ida ne’ebé la fó oportunidade ba guarda-rede Timor-Leste hodi rezulta Singapura lidera ho score 1-0 to’o intervallu.

Tama ba jogu segunda parte, Singapura kontinua domina partida no aumenta presaun ba baliza Timor-Leste.

Esforsu ne’e fó rezultadu iha minutu 55, bainhira jogadór Song Ui-young marka gólu daruak ho kabesada ida hafoin simu kruzamentu di’ak husi Kyoga Nakamura hodi hatuur score  sai 2-0.

Timor-Leste mós hetan oportunidade di’ak ida iha minutu 62. Jogadór Zion Cruz simu pasajen husi Vabio Canavaro, lori bola tama área penalidade no halo remata ida, maibé guarda-rede Singapura konsege halo defeza no salva nia baliza.

To’o apitu ikus, la iha tan mudansa ba rezultadu no jogu remata ho rezultadu ikus Singapura 2-0 Timor-Leste.

Antes ne’e, Timor-Leste hetan derrota hasoru Vietname ho score 0-7. Nune’e Timor-Leste kontinua iha pozisaun ikus (dalima) iha klasifikasaun provizóriu grupu A no seidauk rekolla pontu ida.

Jornalista: Marito da Costa

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!