play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Aitana F.C no AS Marca Konfirmadu Degradadu Ba Segunda Divizaun Époka 2027

todayJuly 20, 2026 31

Background
share close

Imajen/LFTL

Díli, 20 Jullu 2026 (RAFA.TL)- Ekipa Aitana F.C ho AS Marca konfirmadu degradadu ba segunda divizaun époka 2027 hafoin ekipa rua ne’e sofre derrota no rekolla deit pontu minimu durante kompetisaun Liga Timorense Primeira Divizaun Époka 2026.

Ekipa Aitana F.C hanesan ekipa ne’ebé mais esperiensia iha Liga Timorense, tamba Armada Aitana kompete ona ba kompetisaun nasionál iha modalidade futeból desde sei Amadora ho naran Liga Futebol Amadora (LFA) no to’o Profisionál ho naran Liga Futebol Timor-leste (LFTL) ne’ebé koñesidu liu iha amante futeból sira nia tilun ho naran Liga Timorense.

Enkuantu AS Marca hanesan klubu promovidu husi segunda divizaun Liga Timorense ne’ebé sente kedas ona atmosfera Liga Profisionál ne’ebé mais kompetitivu.

Ho rezultadu no jogu sira ne´ebé ekipa rua hatudu durante kompetisaun Primeira Divizaun Liga Timorense ba jornada da-ualu, Óragun Liga Futeból Timor-Leste (LFTL), ofisialmemnte anúnsiu ba públiku no amante hadomi futeból sira katak, klubu Aitana F.C no AS Marca ofisialmente degradadu tanba la hetan pontu sufisiente durante kompetisaun Primeira divizaun époka ne´e.

“Ho rezultadu Jornada da-ualu no tuir Regulamentu Kompetisaun Liga Futeból Timor-Leste Primeira Divizaun Époka 2026, Aitana F.C no AS Marca degrada automátikamente ba Segunda Divizaun Époka 2027,” Rafa.tl sita anúnsiu ofisiál husi pajina Liga Timorense, Segunda-ne´e.

LFTL mós hato’o agradesimentu ba klube rua ne’e, ba sira nia esforsu no partisipasaun durante kompetisaun, no deseja susesu ba sira iha époka tuirmai.

Iha jogu primeira Divizaun Liga Timorense époka ne’e, ekipa Aitana F.C halao ona jogu  ba dala-ualu no rekolla deit pontu tolu, iha ne´ebé Armada Aitana halo empata tolu, lakon lima no seidauk rekolla vitória.

Ekipa AS Marca mós hanesan rekolla deit pontu tolu husi jogu ualu, empata tolu, lakon lima no seidauk rekolla vitória.

Maske Liga Timorense époka ne’e sei hela jornada ida, maibé ekipa Aitana F.C no AS Marca nia pozisaun iha zona degradasaun labele muda maske rekolla vitória iha jogu ikus tamba Coração F.C ne’ebé tur iha pozisaun da-ualu rekolla ona pontu sia hodi mantein iha zona livre ba degradasaun maske sofre derota iha jornada ikus.

Jornalista: David Gonçalves/Editór: Vito Salvadór

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!