play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Kopa Mundiál 2026, Arjentina Avansa ba Meia-Finál Hafoin Manán Suisa 3-1

todayJuly 12, 2026 17

Background
share close

Leonel Messi ho nia kompatriota sira selebra vitória bainhira produs golu ba guarda rede Suisa iha jogu Kopa Mundiál 2026. Imajen/AFP

Díli, 12 Jullu 2026 (RAFA.TL) – Ekipa Nasionál Arjentina avansa ba meia-finál kopa Mundiál 2026 hafoin rekolla vitória dramátiku hasoru adversáriu Suisa ho score 3-1.

Iha jogu kuartu-finál nian ne’ebé hala’o iha Estádiu Arrowhead, Kansas, Domingu-ne’e, Arjentina asegura nia vitória  liu husi golu Alexis Mac Allister, Julian Alvarez, no Lautaro Martinez. Enkuantu Suisa halo empata iha jogu 90 minutu liu husi golu úniku Dan Ndoye.

Vitória ekipa Arjentina nian ida-ne’e halo sira sei hasoru ekipa selesaun Nasionál Inglaterra iha semifinál iha Estádiu Mercedes-Benz, Atlanta, Kinta 16 Jullu 2026.

Arjentina hetan vantajen iha minutu 10 jogu hahú bainhira Alexis Mac Allister marka golu liu husi  kantu ne’ebé suta husi Lionel Messi, hodi muda kedas score ba 1-0.

Hafoin golu ne’e, ekipa Suisa mós lansa kedas atake oioin hasoru defeza Arjentina nian, maski laiha bola ida mak sai hanesan ameasa sériu.

Ekipa Arjentina kontinua mantein score ne’ebé ho score 1-0 to’o intervallu.

Iha segunda parte, Suisa joga ho ofensivu liu nó hetan oportunidade liu husi kabesa husi Dan Ndoye, ne’ebé konsege halo golu ba rede Emiliano Martinez, maibé sei bele salva.

Suisa ikus mai halo empata iha minutu 67 bainhira Dan Ndoye halo konversaun ba pasajen husi Ricardo Rodriguez, hodi halo escore sai ba 1-1.

Bainhira Suisa halo atake no hahú halo tranzisaun hodi domina bola sira ikus mai tenke joga ho Jogadór nain-10 hafoin  Breel Embolo hetan kartaun mean iha minutu 72.

Maske nune’e, ekipa rua mantein 1-1 to’o tenpu normál termina.

Kontinua ba tempu adisionál ekipa rua iha primeira parte sei iha forsa hanesan hodi halo kontra atake ba malu ,maibé iha segunda parte ekipa Arjentina kontinua aumenta golu rua liu husi Julian Alvarez iha minutu 112 no Lautaro Martinez iha minutu 120+1.

Ho vitória ne’ebé iha, ekipa Arjentina ultrapasa ba jogu meia-finál Kopa Mundiál 2026 no sei hasoru Inglaterra.

Jornalista : David Gonçalves/Editór: Vito Salvadór

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!