Manán Penalidade, Maroko Avansa Ba Jornada 16 Kopa Mundiál 2026

Maroko hakatba jornada 16 Kopa Mundiál 2026 hafoin manán Olanda iha penalidade. Imajen/Repro

Díli, 30 Juñu 2026 (RAFA.TL)- Ekipa Selesaun Nasionál Maroko asegura billete ida ba jornada 16 Kopa Mundiál 2026 hafoin manán nia adversáriu Olanda liu husi penalidade hafoin ekipa rua empata 1-1 iha tempu normal to’o adiosionál nian.

Iha jogu ekipa rua  ne’ebé halao iha Estádiu BBVA iha Monterrey, Méxiku, Tersa (30/06/2026), la’o ho intensidade aas, hahú hosi apitu abertura, liuliu iha jogu meiu-kampu nian, Olanda buka atu kontrola jogu liuhosi duo Ryan Gravenberch no Frenkie de Jong, enkuantu Maroko hatudu dezempeñu dixiplinadu ne’ebé karakteriza ho presaun maka’as no dezafiu fíziku agresivu sira.

Maroko mós hamosu ameasa sira hosi situasaun sira set-piece nian, hodi obriga Verbruggen halo salvasaun krusiál oioin, enkuantu Olanda ameasa liuhosi Brian Brobbey, Denzel Dumfries, Gakpo, no Summerville, maski sira kria oportunidade klaru uitoan de’it. Ho minutu ida hosi tempu regulamentu nian iha primeira parte, Micky van de Ven lansa suta ida ne’ebé maka’as ne’ebé maka guarda-rede Yassine Bounou la tama, hodi husik markadór la marka golu bainhira ekipa sira la’o ba vestiáriu sira.

Tama ba segunda parte, Maroko joga ho agresivu liu hodi lansa kontra atake sira ba adversáriu Olanda liu husi pasajen sira bola badak ne´ebé lais no akuradu.

Ho antesipasaun di’ak, ikus mai Olanda hakotu dominasaun husi Maroko iha minutu 72 bainhira Summerville halo kontra atake lais no halo bola livre iha defeza Maroko nia area penalti laran nune’e  jogadór Gakpo halo remata ida no bola tama ba rede Maroko nian hopdi muda score ba 1-0.

Hafoin golu ne’e, ekipa Olanda muda kedas nia estratejia hodi halo defeza ida metin no halo mos subtituisaun atu asegura vitóri ne´ebé iha, maibé Maroko nafatin halo tentativa sira ho atake ne´ebé iha no ikus mai jogadór Maroko Issa Diop halo empata hodi konverte pasajen ida hosi Chemsdine Talbi iha minutu 90+1 hodi muda score ba 1-1.

Ho golu ne’e halo ekipa rua tenke halo kontaktu fiziku maka’ás durante tempu adisional, no Maroko iha oportunidade di’ak liu atu marka liuhosi Sofiane Rahimi, karik Verbruggen la alerta atu proteje nia baliza. Eskore 1-1 mantein to’o finál hosi períodu daruak hosi tempu adisionál, obriga penalti ida hodi deside manan-na’in.

Iha drama penalidade nian, ekipa Maroko marka golu tolu liu husi S Rahimi, Chemsdine Talbi, Ismael Saibari enkuantu Ezekutor rua hanesan Kapitaun Archam Hakimi no Neil El Aynoiu falla iha ezekusan. Entertantu ekipa Olanda iha markador rua mak susesu hanesan T Koopmeiners no Weghorst no ezekutpr nain-tolu falla total hanesan Kluivert, Timber no Summerville, ho rezultadu 3-2 ne´e halo ekipa Nasionál maroko iha oportunidade hakat ba jornada 16 hodi hasoru Méxiku.

Jornalista: David Gonçalves/Editór: Vito Salvadór