Kopa Mundial 2026, El Matador Konkista Vitória iha Jogu Daruak Kontra Arábia Saudita ho Score 4-0

Lamine Yamal selebra vitória hafoin hatama golu ba sira-nia adversáriu Arábia Saudita iha Kopa Mundiál 2026. Imajen/FIFA

Díli 22 Juñu 2026 (RAFA.TL)- Ekipa Selesaun Nasionál España (El Matador), konkista vitória iha jogu daruak kontra adversáriu Arábia Saudita ho score 4-0 iha  Jogu kontinuasaun Kopa Mundiál grupu H ne’ebe halao iha estádiu Mercedes-Benz, Segunda-madrugada (22/06/2026).

Ekipa Luis de la Fuente nian manán ho score 4-0, hafoin empata 0-0 ho Cabo Verde iha jogu dahuluk.

España lidera 3-0 iha primeira parte liu husi golu Lamine Yamal no Mikel Oyarzabal. Kontinua ba segunda parte España hetan auto golu ida husi jogadór Arábia Saudita Hassan Al-Tambakti.

Ekipa nasionál Arábia Saudita hala’o jogu ida ho defensivu, hodi obriga España halo remata dala barak hosi área penalidade nia liur.

Lamine Yamal fó vantajen ba España iha minutu 10 liu husi golu ne´ebé nia marka hodi muda score ba 1-0,  hafoin simu bola kruza husi Mikel Oyarzabal ne’ebé maka dirije ba poste hodi marka golu.

España kontinua ataka hafoin lidera no Mikel Oyarzabal marka golu daruak ba ekipa El Matador iha minutu 21 hodi muda score ba 2-0  liu husi bola kantu.

Ho golu ne’e halo ekipa Arábia Saudita joga iha presaun nia laran no kuaze ekipa España domina jogu no lansa atake bebeik ba adversáriu.

Tama ba minitu 24, España aumenta tan golu ida iha minutu 24 liu husi Mikel Oyarzabal hafoin aproveita bola barullu husi kabesada Dani Olmo nian iha area grandeal laran no golu ne´e muda score ba 3-0.

Ekipa rua kontinua jogu ho ritmu ne’ebé iha, maibé Arábia Saudita hala’o jogu defensivu ida, ho jogadór na’in-10 iha sira nia área rasik hodi asegura España labele aumenta golu no sira aproveita deit kontra atake ho bola aas. Maibé, too primeira parte termina ekipa rua mantein ho score 3-0.

Kontinua ba segunda parte, Arábia Saudita mantein ho ritmu jogu ne’ebé iha no buka oportunidade atu marka golu.

Sorte aat monu los ba Arábia Saudita iha minutu 49 hafoin bola kantu jogador Arábia Saudita Hassan Al-Tambakti halo auto golu ba nia baliza rasik.

Hafoin auto golu ne´e, ekipa Arábia Saudita mantein joga ho ritmu ne´ebé iha no España mos mantein ritmu no lansa atake ba rarak ba adversariu maibé laiha tan golu ruma akontese too jogui termina no vitória ba El Matador.

Jornalista: Marito da Costa/Editór: Vito Salvadór