play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

AD SLB Laulara ho Santa-Cruz F.C Fahe Pontu Hanesan ho Score 1-1

todayJune 20, 2026 16

Background
share close

Jogu AD SLB Laurala vs Santa-Cruz F.C. Imajen/LFTL

Díli 20 Juñu 2026 (RAFA.TL)- Jogu kontinuasaun primeira divizaun Liga Timorense époka 2026 ne’ebé halao iha Estádiu Munisipál Díli,  Sábadu (20/06/2026), ekipa AD SLB  Laulara no Santa-Cruz F.C fahe pontu hanesan ho score 1-1.

AD SLB Laulara hetan kedas oportunida iha primeiru parte iha minutu neen, liuhusi  Jogadór Mouzinho de Lima hodi husik nia sutu maka’ás iha grande área adversáriu,  maibé bola ne’ebé nia suta sei kona besi rin leten.

Ekipa rua kontinua halo atake maka’ás ba malu, oportunida hetan fali husi Santa-Cruz FC liuhusi sutu kantu, no jogadór Lassana Louis simu liuhusi nia kabesada, maibé bola sei halai sa’e husi besi rin leten.

SLB hetan tan oportunidade di’ak liuhusi kontra atake maka’ás. Bola ne’ebé domina husi italo pimentel no pasa ba Fazer Hurtado ne’ebé iha grande área, no kontinua husik suta maka’ás maibé sei bele defende husi guarda rede Santa-Cruz.

Sorte diak hetan uluk husi ekipa Santa-Cruz F.C hodi marka sira nia golu dahuluk iha minutu 16 liuhusi jogadór Vicent Norty hafoin simu bola husi jogadór Lassana Louis no muda score ba 1-0.

Ho golu ida-ne’e AD SLB Laulara halo mudansa ba sira nia tátika hodi halo substitusaun ba jogadór iha liña avansadu no defeza esquerda ho intensaun hakarak duni derrota  ne’ebé iha no minutu ikus jogu primeira parte  atu ramata 45+2, AD SLB Laulara konsege hetan penalidade ida hafoin jogadór defeza Santa-Cruz F.C halo monu Italo Soares Pimentel iha grande área.

Jogadór AD SLB Laulara Mouzinhu de Lima ne’ebé ezekuta penalti ne’e susesu marka golu hodi muda score ba 1-1.

Kontinua ba sigundu parte, ekipa rua hasa’e liután sira nia ritmu jogu, hodi halo ameasa ba malu maka’ás ho intensaun hakarak koleta golu hodi lidera akor.

Oportunidade ba Santa-Cruz F.C liuhusi bola sutu livre ne’ebé ezekuta husi jogadór Lassana Louis, maibé kona de’it besi-rin leten.

Oportunidade ikus husi SLB bainhira sira halo kontra atake maka’ás iha grande área Santa-Cruz, maibé la akontese golu. Nune’e score 1-1 mantein to’o termina jogu Segunda parte.

Jornalista: Davilio Valdamir/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!