play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

CONTL ho Olympic Council Asia Sei Realiza Aichi-Nagoya Asian Games Fun Run iha TL

todayJune 19, 2026 8

Background
share close

CONTL hamutuk ho Olympic Council Asia sei realiza Aichi-Nagoya Asian Games Fun Run iha Timor-Leste.

Díli, 19 Juñu 2026 (RAFA.TL)-  Komité Olimpiku Nasionál Timor-Leste (CONTL) hamutuk ho Olympic Council Asia sei realiza Aichi-Nagoya Asian Games Fun Run iha Timor-Leste atu promove desportu, amizade no unidade iha Azia.

Eventu ida ne’ebé halibur atleta sira, estudante sira, amante desportu sira, reprezentante governu no membru komunidade atu hamutuk selebra Jogus Asiátiku Aichi-Nagoya 2026 iha Japaun.

Atividade desportu  fun run ne’e ho objetivu atu promove valor sira husi jogu sira Asiátiku enkoraja moris saudavel no ativu ho hametin amizade solidariedade no kooperasaun entre povu sira iha Azia.

Eventu  ne’e  sai  mós oportunidade importante atu hasa’e konsiénsia kona-bá partisipasaun Timor-Leste iha jogu sira  Asiátiku no inspira jerasaun foun atleta timoroan sira.

Sekretariu Jerál, Komité Olimpiku Nasionál  Timor-Leste, Laurentino Guterres, hateten objetivu realiza atividade desportu fun run ne’e oinsá atu promove partisipasaun Timor-Leste nian ba iha jogu Asia Games ne’ebé sei akontese iha sidade Aichi Nagoya-Japaun komesa husi loron 19 fulan-Setembru to’o loron 04 fulan-Outubru, tinan ne’e.

“Timor-Leste nia partisipasaun ita rejistu ona modalidade hamutuk 14, inklui modalidade lima ne’ebé governu fó prioridade,” Sekretariu Jerál, Komité Olimpiku Nasionál  Timor-Leste, Laurentino Guterres, inform aba jornalista sira iha Otél Timor, Sesta (19/06/2026).

Tuir oráriu atividade desportu fun run ne’e sei hala’o iha  Sábadu, tuku 07:00 dader no tuir route ne’ebé iha sei haúú husi Gimnajiu Desportu Díli, Rua São Sebastião tun loos ba Ministériu Justisa, sae ba Tugu Pramuka, ba  Otél Timor, Dilicious Timor, Embaixada Portugal, Palásiu Governu, Banku Mandiri no CONTL no remata iha Gimnajiu Desportu Díli.

Atividade Aichi-Nagoya Asian Games Fun Run, hetan apoiu orsamentu husi Komité Olimpiku  Asia ho total $12,000.00.

Jornalista: David Gonçalves/Editór: Vito Salvadór

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!