Harry Kane Marka Golu Rua, Three Lions Rekolla Vitóri ho Score 4-2

Harry Kane kontribui golu rua ba nia ekipa Three Lions iha jogu Kopa Mundiál 2026 kontra Kroásia, KInta 18 Juñu ne'e.

Díli, 17 Juñu 2026 (RAFA.TL)- Ekipa Selesaun Nasionál Inglaterra (Three Lions) manán nia adversáriu Kroásia ho score  4-2 hafoin Harry Kane kontribui golu rua ba nia ekipa.

Jogu Inglaterra hasoru Kroásia ne’ebé halao iha Estádiu AT&T, Arlington, Kinta (18/06/2026),  Three Lions sira lidera kedas iha primeira parte liuhosi golu Harry Kane, ma ekipa Kroásia konsege responde liu husi golu Martin Baturina no Petar Musa hodi halo empata.

Iha segunda parte, Inglatera aumenta presaun no intensidade, no marka tan golu rua liu husi Jude Bellingham no Marcus Rashford no Kroásia la konsege responde, nune´e vitória ba ekipa Three Lions.

Ho vitória ne’e, Inglaterra lidera temporariamente grupu L hosi Tasa Mundiál 2026 ho pontu tolu. Kroásia iha parte okos hodi hein rezultadu hosi Gana hasoru Panamá.

Kroásia kria kedas oportunidade iha minutu datoluk, liu hosi  Ivan Perisic nia pasazen ne’ebé maka halo hosi kantu la konsege aproveita másimu husi Josip Sutalo, no bola liu deit.

Inglaterra hetan penalidade iha minutu 12 hafoin Luka Modric hamonu Noni Madueke.

Harry Kane ne’ebé ezekuta penalidade ne’e susesu marka golu no muda score ba 1-0.

Kroásia iha oportunidade iha minutu 14, Petar Musa simu bola iha área penalidade, maibé neineik atu remata, no hetan blokeiu hosi defeza adversáriu.

Kroásia halo empata iha minutu 26, liu husi jogadór Petar Sucic hodi muda score ba 1-1 no ho golu ne’e ekipa rua kontinua hasa’e intesidade jogu ho ritmu ne’ebé aas.

Inglaterra hetan fali vantajen iha minutu 42, liu husi bola kantu no Declan Rice lansa bola as no pasa ba Harry Kane hodi marka golu daruak no muda score ba 2-1Maibé, molok ba intervallu Kroásia konsege halo empata liu husi jogadór Petar Musa hodi halo empata.

Tama ba segunda parte, Inglaterra lansa kedas ho tiru iha inísiu jogu no lidera kedas fali iha minutu 47 liu hosi Bellingham hodi muda score ba 3-2.

Liu tiha minutu ida, Bellingham ameasa fali, maibé nia suta hetan blokeiu hosi guarda-redes. Nico O’Reilly iha oportunidade ida hosi kantu ne’ebé rezulta, dala ida-ne’e nia kabesa sai dook. Declan Rice iha oportunidade iha minutu 52, maibé nia suta maka’as hetan involta hosi Dominik Livakovic.

Baliza Kroásia Livakovic blokeia kabesa konsekutivu hosi O’Reilly no Anthony Gordon. No salva mos Harry Kane nia oportunidade osan-mean iha minutu 54 liu.

Jogadór Kroásia tenta sai husi presaun no halo jogu livre, Mario Pasalic koko atu aponta ba kantu rede nian hafoin rebenta hosi parte loos maibé nia suta hetan blokeiu hosi Jordan Pickford.

Inglaterra aumenta nia vantajen iha kontra-atake ida iha minutu 85 no Bukayo Saka nia pasajen husi liman-loos no Marcus Rashford iha liman-karuk aproveita oportunidade ne´e ho masimu hodi muda score ba 4-2.

Kroásia iha oportunidade iha minutu ikus hosi tempu estra nian no suta husi Josko Gvardiol sei bele salva husi adversári no score mantein ho vitóri ba ekipa Three Lions.

Jornalista: Davilio Valdemir/Editór: Vito Salvadór